مسطبة شعبية

عماد الشفيع كتب:كبوة جواد ليس إلأ والغريق لسه قدام 00000000
بركة بى بركة الخلا ناس تظهر 00000 الغريبة بعد غيبة سمعت صوت وليد الزبيدى من البلد المافيها تلفونات 00
اخيرا بنقول للجاهورى وأمثاله المهم البيضحك فى النهاية 000

هيثم على الشفيع كتب:ها ياااااااااااااااااااااالجاهوري الشلت الممتاز من سبعة مباريات!!

والحمدلله آخوي البقيت مابتشجع المريخ ...كان خليناهو ليك وشجعنا المريخ البورسعيدي

وزي ماقاليك العمدة الغريق لي قدام.........والشالو مننا حي العرب بنخلصو من "الورل" اللاقى الترعة بدون تمساح..

هيثم على الشفيع كتب:ياالجاهوري

عليك الله الوصية بالمهلة:

تكلم معتصم جعفر يكلم صلاح إدريس يكلم المعز محجوب يقول ليو:

حركات ناس الشبيبة الحصاحيصا "وسك الحكم عشان يهرشوه" دي يبطلا لأنو الدوري دة منقول للعالم كلو ومافي داعي للفضايح.

مدثر الجاهوري كتب:
يعني صلاح ده فردتنا وبنعرفوا وعلاقتنا بيهوا ممتدة بكلموا بكلامك .. أما معتصم جعفر ده صاحبنا من الحصاحيصا بكلموا بكلامك .. بعدين المعز يسك الحكام ما عندوا هجوم أحرز أربعة أهداف يعني بكيفه أملص ليهوا اثنين تلاتة ..

ميرغني ابراهيم عمر كتب:شوفوا البرشا وفالديس بيعملوا فينا ايه ,,,,,يعني الهجوم دا يسوي شنو؟؟؟ الحارس يعني ما تجيهو كورة كلو كلو ولا شنو,,,, والله فالديس دا مش يجننا !!!!!!!!!!! ضغط وسكري وما خفي اعظم ,نحن صغار !!! خايفين علي عماد بركه ومازدا بي جيهه وفالديس, وريجكارد بي جيهة,,, واشمت يا جاهوري وقعت ليكم بارده السنة دي ,,, الليلة الريال؟؟؟

هيثم على الشفيع كتب:والله يالجاهوري أيامك

عشان كدة أبيت تتوسط لي عند لابورتا عشان يريحنا من ريكارد (عميل ريال مدريد الأول )

وميرغني أرحم مننا أنا والعمدة أخوي -ياكافي البلا نحن مريخنا مغلوب والبارسا متعادل-

لكن الأيام دول

مدثر الجاهوري كتب:

. أقلب شجع هلالنا وريالنا عشان تستمتع بحلاوة الفوز

مدثر الجاهوري كتب:

هيثم على الشفيع كتب:والله يالجاهوري أيامك

عشان كدة أبيت تتوسط لي عند لابورتا عشان يريحنا من ريكارد (عميل ريال مدريد الأول )

وميرغني أرحم مننا أنا والعمدة أخوي -ياكافي البلا نحن مريخنا مغلوب والبارسا متعادل-

لكن الأيام دول

الأخ هيثم والله الايام ده حالتك تحنن مريخ وبرسا وغيروا .. أقلب شجع هلالنا وريالنا عشان تستمتع بحلاوة الفوز .. وحولينا وما علينا .. تحياتي لعمدة

مدثر الجاهوري كتب:الدوري السوداني والإيطالي والاسباني شبه انتهت وهي بقبضة من حديد بيد الهلال وريال والانتر

مدثر الجاهوري كتب: الله يقبل دعواتنا رسلنا لينا واحد مكة عشان يعمر ويدعوا ربنا يحقق الدعوات

هيثم على الشفيع كتب:

مدثر الجاهوري كتب: الله يقبل دعواتنا رسلنا لينا واحد مكة عشان يعمر ويدعوا ربنا يحقق الدعوات

السؤال الجاي دة سقط سهواً من بنبرك المولع:

إنت بتشجع الهلال !؟ ولا بتكره المريخ أكتر؟؟؟

مدثر الجاهوري كتب:
بالنسبة لسؤالك ..........................بكره كل حاجة حمراء او صفراء حتى قرص الشمس منتصف النهار او عند الشروق او الغروب ..

ياسر ميرغني كتب:العم هيثم ما معناها ان اي فريق لونه ازرق او ابيض يبقى الهلال انا ما بشجع ريال مدريد او تشيلسي وبشجع ليفر بول وبايرن ميونخ ......:..لك الود

ميرغني ابراهيم عمر كتب:يا اخوانا شنو؟؟؟؟؟؟

ميرغني ابراهيم عمر كتب:الاخ الجاهوري/ ما قلت لي عماد عن الحاجات التحت تحت دي شنو؟؟؟؟
اما موضوع الانتر ,,, مبروك عليكم قونين انزاغي ,,, والحسم لسه يا شيخنا,,, فيهو قولان ,,,, اما الفطيسه الدوري الاسباني مبروك عليكم,,,, وتشلسي ما بشيل الكاس,,, وشنبي ما بحلقو,,, لك الود.

هيثم على الشفيع كتب:السلااااااااااااااااااااااام عليكم
غبت وجيت لقيت الجاهوري يبرطع في المسطبة شرق وغرب مع إنو هلال السودان مغلوب في بريتوريا(ومبروك الصعود) والإنتر متعادل وقرررررررررررررب يفقد الدوري والريال متعادل وأهم حاجة الهلال السعودي (أقصد الريال السعودي) مغلوب رايح جاي
طيب أخونا دة فرحان ماااااااااااااااااااااااااااااااااااالو؟؟؟