مسطبة شعبية

وعلى غير العادة خلت المسطبة من متابعات ومناكفات لبطولة القارات ، ولم نشهد أي رد فعل (مسطبي) تجاه فوز مصر على إيطاليا ، ولا الخسارة المفاجئة لأبطال أوروبا من الأمريكان

عموماً

تنتهي اليوم البطولة بخيرها وشرها لكن أنا بكره البرازيل وبشجع أمريكا..............وهييييييييييييييييييييييييييه

نحن يا سيدنا مع البرازيل وبنكره امريكا ,,,, زيّك,, وما تدي فرصة للجاهوري ولو بي الهزار,,, لك الود.

تبدا اليوم سيكافا (بطولة دول شرق ووسط أفريقيا) أكثر الدول تخلفاً وفقرا وبؤساً وجوعاً عشان كده الدورة حا تكون حمام ميت ومشوي ... بعدين المشكلة الكبرى في هذه الدورة التوقيت ... يعني بعد ما شفنا ناس كاكا نجي نشوف راجي وبله جابر وطمبل وزعيط ومعيط والله حاجة غريبة ... غايتوا أنا ما بضيع وقتي بشوف لي تنس او كرة شاطي أي حاجة إلا سيكافا وجع القلب وبتعمل وجع العيون في الحر ده ... وتحياتنا لهيثم الشفيع ً

شاهدت بالأمس مباراة المريخ الأولى بسيكافا وللأسف الشديد ظهر المريخ بمظهر نسأل الله أن يتحسن مع مرور مباريات الدورة ، حيث كانت المباراة في مجملها عبارة عن (دافوري بدون غبار) وظهر خلال مبارة الأمس أن لاعبي المريخ لا يجيدون اللعب تحت الضغط بدليل أن المريخ لم ينقل أكثر من ثلاثة باصات متتالية إلا بعد طرد اللاعب الرواندي........

وصدقوني لو لعب المريخ مع فريق أفضل حالاً من أتراكو لخرج مهزوماً -على الأقل بثلاث أهداف- ولو لعب أتراكو مع فريق أفضل من المريخ لألغى الحكم نتيجة المباراة لعدم تكافوء الفريقين.

نأمل أن يتحسن الحال من خلال المباريات القادمة والتي لا أتفائل بأن مستواها سيتحسن قبل دوري الثمانية....

الاخوان / هيثم الجاهوري ,,,شهدت الافتتاح الذي اعجبني كثيرا ,, كافتتاح بالسودان ,, المريخ لم يكن سيئ بالمستوي الذي تحدث عنه هيثم ,, ولكن لم يكن جيدا بما يكفي ,,, نتابع.

مدثر الجاهوري كتب:
غايتوا أنا ما بضيع وقتي بشوف لي تنس او كرة شاطي أي حاجة إلا سيكافا وجع القلب وبتعمل وجع العيون في الحر ده ً

الجاهوري صاحب الذاكرة الضعيف:

إنت دحين ما قلت الشي ما بتحضرا؟؟؟

ولا الشمار كتلك وقلت تلقى ليك زول يساعدك تشمت في الفريق البتكرهو أكتر من حبك لفريقك البتشجعو؟؟؟

مازيمبي خذلك(ولا الخذلك المريخ ماعارف) فجربت أتراكو وجاك الفي مرادك

لكن صدقني لو المريخ احتاج لحد 2045 يبقى أكيد الهلال 2545

مارديت لي على سؤالي عن سيكافا الضيعيييييييييييفة لما الهلال شارك فيها 8 مرات وما جا غير التالت؟؟؟؟

يكون ما بحب البطولات الضعيفة؟؟؟؟

انتو فى أتراكو وللا فى الوجع الجاكو؟؟وييين يا جاهورى..قالوا امبارح.. مدريد فيها نزلات معوية من طراز ابراهيموفيتش.تقول لى بنزيمة..بنزيم يشمو مشجعين مدريد..

التعادل فى ارض الخصم يعتبر انتصار وللا شنو ياجاهورى !!!!!

رايك شنو يا بشة فى ال(كانو) غايبين وظهرو ديل أصلو نتنا (كانو) قاطعنو(3) شهور لكن رجعناهو ب(أهلى) وأهلك الذمان (كانو) فى (مدنى) ورحلو عطبرة من كترة المطرة .
وبجى الخريف والسواقين بيقولو ما راجعين ما عندك حل غير التكاسى
وأرغو ما تفهمنى غلط

متأكدين يا جماعة ,,, الهفوف دي ما فيها بنقو؟؟؟

خرفان ساكت والغريبة الخضار رخيييص والخمايس فى فيلا معاوية الشفيع

قف
يمكن إصطحاب الخدم يوجد فى الفيلا غرفة للخادمة

بكرة بيجى الخريف واللوارى بتقيف ... والخيل الحره بتجى وين يا الجاهورى ... وتانى كان زدتم السبعة نقاط ....وفى اسوأ الحالات اذا لم نتأهل سوف نكون العقبة فى تأهلكم وسوف نلقنكم درسا لن تنسوه ... والغريق قدام

النعيم بس والبقية كلهم زى حسين وفاطيما..........

يامرغنى والله الصفحة ما مساعدة وقاعدة تزوغ والكتابة نكتبها كبارة وعند العرض تلقاها بقت صغار هل العلة مننا ولا منك .. مع تحياتى للجميع

والله ياجماعة انا موجعنى مشية ايتو للأنتر دى لأنه ما مصدق ايتو فى فريق غير برشلونةوبعدين يقوم يمشى للأنتر ؟

عماد الشفيع كتب:والله ياجماعة انا موجعنى مشية ايتو للأنتر دى لأنه ما مصدق ايتو فى فريق غير برشلونةوبعدين يقوم يمشى للأنتر ؟

والله ياعمدة هو مشيتو تراها سنة الحياة
لكن البتوجع بالصح مشيتو للإنتر

يا جماعة والله العظيم قبل يومين بس قلت لي وليد انو انا كنت بشجع ايتو اكثر من برشلونة,,,, هسه الانتر ما بتشجع لكن ولدنا بنشجعو لو فات الواغ واغ,,, عمدة يوم الجمعة كيف ,,, الما خايف منو؟؟

...

شايفين هضربة الطيشاب اليومين ديل كترت ( شي مربوحه - وشي مازدا معادي السعودي - وسادومبا كوم براهو ) .

والكلام دا كلو جابتو الرجفه من (دفن) الجمعه , اقصد كورة الجمعه . المشكلة انهم مقتنعين بالتونسية ومتعودين على الفضايح لكن الخوف من الاهداف الكتيرة وخاصة من سيد البلد .

اهااااا الخوف ما جا من فراغ .... بعد ايقاف سفاري ( كلو واحد ) وسفر بله جابر لخارج البلاد ( ما فارقة ) الجماعه دفاعهم مكشوف الحال تامنوا جعجعه ...



موسى الزومه متوسط دفاع ...ياخي دي حلوة خالص... جلطات الاطراف تنتقل الى داخل المنطقة المحرمة ...

ياريت يجيبو لينا عمو ريتشارد على الاقل تكون مهرجان اعتزال ....

انهمر دمعي كالمطر
حزنا علي تعادل مر
فقلت في نفسي أين المفر
لن ألحق بهلال قد يكتمل كالبدر
انها نقاط ست كالقدر
وداعا كأس الممتاز الأغر

"هيثم على الشفيع"
كل الأمنيات لهلال السودان بالتوفيق والنصر في مباراة اليوم أمام زيسكو الزامبي ال(يطرشنا قبل دة ماسمعنا بيو)

السؤال السابق كان من مريخابي بتاريخ 23 مارس 2008

وما بين 23مارس2008 و 15 اغسطس 2009 (سنة وخمسة شهور إلا تمانية أيام)
اها ان شاء الله تكونوا سمعتوا بيهو
ولا احتمال في السنة والخمسة شهور إلا تمانية أيام دي يكون الفريق ده بقى مشهور؟؟؟ مش احتمال برضو؟!!!!!!!!!

جنس سمع هو يا قديس !!
بعدين دي بحتها من وين؟؟
يا اخي الزول دا قال كلامو قبلو سنة وشوية ,,ويا مريخاب وقعتو.
لكل الود ومرحب بك اضافة حقيقية للموج الازرق.

قديس كتب:[u][b
وما بين 23مارس2008 و 15 اغسطس 2009 (سنة وخمسة شهور إلا تمانية أيام)
اها ان شاء الله تكونوا سمعتوا بيهو
ولا احتمال في السنة والخمسة شهور إلا تمانية أيام دي يكون الفريق ده بقى مشهور؟؟؟

مش احتمال برضو؟!!!!!!!!!

الأخ قديس
كل سنة وإنت طيب وعيد سعيد وعمر مديد
وقبلها مرحباً بك صاحب جديد وسط أهلك والأحباب -بدون فرز هلالاب علي مريخاب-
وعلي قول قريبتنا الشايقية"خليهو قولي أنا........
الله بسألك قبل زيسكو دة يلاقي هلالك في التاريخ المشار اليه سمعت بيهو؟؟؟؟؟؟"

ثانياً :
سنة وخمسة شهور دي كافية جداً لإنها تخليني -أنا.....العفين دة- مشهور
خليهو فريق مثل بلدو مرتين على التوالي في بطولة الأبطال
ثالثاً : ودة الأهم : ماضرنا لو كان مشهور أو غيرو
وقد سجل ليهو التأريخ إنو الفريق الوحيد الفاز على المريخ في ملعبو ........
وفي نفس الوكت سجل للهلال إنو الفريق الوحيد الخسر من زيسكو في ملعبو!!!!!!!

هيثم على الشفيع كتب:

قديس كتب:[u][b
وما بين 23مارس2008 و 15 اغسطس 2009 (سنة وخمسة شهور إلا تمانية أيام)
اها ان شاء الله تكونوا سمعتوا بيهو
ولا احتمال في السنة والخمسة شهور إلا تمانية أيام دي يكون الفريق ده بقى مشهور؟؟؟

مش احتمال برضو؟!!!!!!!!!

الأخ قديس
كل سنة وإنت طيب وعيد سعيد وعمر مديد
وقبلها مرحباً بك صاحب جديد وسط أهلك والأحباب -بدون فرز هلالاب علي مريخاب-
وعلي قول قريبتنا الشايقية"خليهو قولي أنا........
الله بسألك قبل زيسكو دة يلاقي هلالك في التاريخ المشار اليه سمعت بيهو؟؟؟؟؟؟"

ثانياً :
سنة وخمسة شهور دي كافية جداً لإنها تخليني -أنا.....العفين دة- مشهور
خليهو فريق مثل بلدو مرتين على التوالي في بطولة الأبطال
ثالثاً : ودة الأهم : ماضرنا لو كان مشهور أو غيرو
وقد سجل ليهو التأريخ إنو الفريق الوحيد الفاز على المريخ في ملعبو ........
وفي نفس الوكت سجل للهلال إنو الفريق الوحيد الخسر من زيسكو في ملعبو!!!!!!!

الاخ هيثم
اولا هاردلك على الخروج،ما دورناها ليكم والله..الله يجازي الكان السبب (م ا ز د ا )..طبعا ح تستغرب من الكلام ده.. لكن الوطنية تحتم علينا احيانا الوقوف مع الاعداء والله..لكن مع ذلك لما فريقكم ينهزم برضو بنسعد (ودي حلاوة كرةالقدم مع المشجعين)
ثانيا: بخصوص سجل ليهو التاريخ انو اول فريق فازعلى المريخ في ملعبو ..حقيقة دي ما فهمتك قاصد بيها شنو؟وضح عشان نوضح اكتر،،المهم ايا كانت،،شينة والله يا هيثم (السنة وخمسة شهور نفترض انها ممكن تخليهو مشهور)لكن ما تنسى العمر اللعب بيهو المريخ في القارة الافريقية!!!! بعدين لاحظ حتى الفرق الحديثة لا يمكن هزيمتها في ملعبها(إلا انتم يا أصحاب البدع)
ثالثا: بالنسبة لهزيمتنا من زيسكو داخل ارضه،،دي حسابتها بتختلف كتير،،وماتنسى نحن اصلا اتاهلنا للنهائيات،ولاحظ مردود اللعيبة في الميدان والتشكيلة،،وبيني وبينك الهلال سافر وهو راغب في المركز الثاني (لشيء في نفس يعقوب)
رابعا: طالما نحن سافرنا للمركز الثاني، ما كان في داعي جماعتكم يعملوها شينة ويعادلوا للجماعة( بيني وبينك ملعوبة ولا ده مستواكم؟)
خامساً: بينا وبين كأس الاندية الافريقية خطوة واحدة بس والله العظيم،،واحلف ليك قسم لو الهلال اتخطى المباراة الاولى وذهب للنهائي الكاس حقنا حقنا،،وح نلعب كاس العالم للاندية وح نكون "العالمي" مش الافريقي بس،،بس المشكلة في تخطي الفريق الاول،،ومباراة الكاس اسهل (عشان كده اخترنا المركز الثاني)،،امنياتكم معنا بالتوفيق، مع اني متأكد انو الامنيات بتكون باللسان (او الكيبورد فقط) لكن النية غير،،برضو بتسعدنا امنيات الكبيورد واللسان وزي ما قلنا دي الكورة وحلاتا

الأخ قديس سلامات

سقطت سهواً من حديثي عن فوز زيسكو على المريخ وخسارة الهلال بملعبه جملة(في دوري مجموعات هذا العام)
كدة .....وقع ليك؟؟؟؟؟؟؟؟؟؟؟؟
أما عن بقية ما كتبته-أنت-.. ف.........

إتمنوا ساااااااااااااااكت ،.......
هي الأماني بي قروش؟؟؟؟

وال(في القِدِرْ..... بجيبو المغراف)

سؤال صاحب عن صاحبو

إنتو الجاهوري وابوبكر الزبيدي وقديس

وين؟؟؟؟؟؟؟؟؟؟

الاخوان / هنا نتقبل العزاء ,,,, وشكر الله سعيكم ,,, والما بجيني في الفراش بتاعنا دا لا بيني لا بينو ,,
الموية والشاي ,,,, وعلي الكشف طوالي .
لا ما الكشف الافريقي.
والدائم الله.

يا دكتور
نحن في قصة عزا وصيوان دي ...أنصار سنة ، لكن كمان إنت قلت الفارقة واللامة
دحين آخوي
البركة فيكم وأحسن الله عزاكم والجاتكم في هلالكم سامحتكم ، وخيرا في غيرا
والعزاء موصول لكل الإخوة الحالمين باللقب الأفريقي واللعب في أبوظبي وعلى رأسهم الثلاثي المرح (الجاهوري والقديس (مااااااقلنا ليك الفي القدر بجيبو المغراف) وأبوبكر الزبيدي)
ونصيحة لوجه الله خلونا في ممتازنا الما ممتاز دة وأفرحو بي ستة نقاطكم دي .......
والعفو والعافية
قال سادومبا قال

الرب أعطي , الرب أخذ.
المجد لله في الاعالي وفي الارض السلام وعلي الدنيا المسرة
نشاطركم الاحزان

بالرغم من إنو زايغ خالس الأيام دي من المنتدى
لكن سمعت تحت تحت الريال اتغلب 4 من فريق درجة رابعة
وياالجاهوري آخوي
حكمة الله .......السنة دي الظاهر فرقك -الوهم- البتشجعا كوووووووووووولها ما فيها واحد حيشيل كاس - لا داخلي ولا خارجي-
إلا:
الهــــــــــــــــــلال العظـــــــــــــــــيم

سبحااااااااااااااااان الله

فريق اسمو كركون ,,, واقف كركون عديييييييييييييييييل ,, ومن حلة في طرف مدريد ,, والاربعة مع الرأفة والمعلق الريالي طبعا يتحدث عن بلجريني وتجربة اللعب بالناشئين ,, وعلي الطلاق بي التلاتة انا حاضر الكورة من اولها لي آخرها ,, واليكم اسماء الناشئين:
دوديك حارس المرمي تحت ال16 من ناشئي ليفربول
راؤول البيول تحت ال17 من ناشئي فالنسيا ويلعب بمنتخب الناشئين الاسباني الذي يمثل اسبانيا في جنوب افريقيا.
متزلدار ناشئي الماني تحت ال17 لعب لمنتخب المانيا للناشئين في كأس أمم أوروبا.
آربيلوا ناشئي اسباني من اشبال ليفربول أيضا سيمثل بالمنتخب الاسباني للناشئين بجنوب افريقيا.
مارسيللو البرازيلي ,, ناشيئ تحت ال16
درينتي,, ناشئي تحت ال16 مثل بمنتخب هولندا للناشئين في عدة مناسبات
غوتي ناشئ اسباني سبق له تمثيل منتخب اسبانيا للناشئين
مامادو ديارا,, ناشيئ مالي مثل منتخب مالي للناشئين طبعا,, وانا زهجت من كتابة ناشئين دي فبالله لما اقول منتخب انتو قول وراي الناشئين
فان دارفارت ناشئي مثل منتخب هولندا
فان نستلروي ,,ناشئي لعب لاياكس ومانشستر لعدة سنوات ,, تحت ال16 طبعا,, ومثل بمنتخب بلاده طبعا
نغريدو,, ناشئي لم يلعب لريال مدريد الا هذه المباراة " ياربي!!"
راؤول غونزاليس الناشئي القادم لريال مدريد ,, لعب لريال مدريد اكثر من 500 مباراة في الدوري فقط ,, وطبعا مثل بمنتخب اسبانيا لما شبع.
غاغو,, الشبل الارجنتيني ,, مثل بمنتخب بلاده أبشع تمثيل.
وبي مناسبة غاغو والله يا جماعة أنقل ليكم تعليق المعلق بتاع الجزيرة ,, أقصد ريال مدريد بالحرف
:هذا غاغو الذي كان له دور كبير في صعود الارجنتين لنهائيات كأس العالم رغم انه لم يشارك في المباريات الاخيره. إنتهي.
خبر أخير: قرر الاخ الجاهوري في اتصال هاتفي تفرغه التام لاسرته والغاء حتي اشتراكه في قناة الجزيرة والاي آر تي.

تصدق يا ميرغني ما حضرتها؟؟
اليومين ديل الكرت بتاعي ماعندي (حاولت أجيبو معاي الجبلين ، فلا جاني في الجبلين ولا جيت لقيتو راجيني في الخرطوم)
عليك النبي الناشئين ديل كوللللهم كانو لاعبين؟؟؟
ألا رحم الله ريالة مدريد
لكن زولك عندو حبة أمل في الإنتر وشيلسي بجيبو راجع ، بس ليك علي يجيبوه لي مرمطتو

هلالنا فاز بالدوري الممتاز قبل ثلاثة اسابيع وكاريكا في صدارة الهدافين وثالث أفريقيا ... ريال عندوا سبعة نقاط عايز ثلاثة نقاط ويتأهل للدور التالي بالأندية الأبطال وثاني الدوري الاسباني بفارق نقطة من البرسا ... البرسا الفريق الروسي عذبهم وطلع روحهم وعندهم أربعة نقاط ومتصدر المجموعة الانتر ... شلسي ما شاء الله يغلب أربعات وخمسات ... يعني فرق الجاهوري تمام التمام .... بس رونالدوا يبقى كويس وبعد داك نشوف يوم 29/11/2009م ويوم 30/11/2009م ... والوصيف وصيف وعند الله بعيش

الدو ري الاسباني كيف ؟؟؟
انت نسيت الكركون ولا شنو؟
من يضحك اخيرا ؟؟
وبعدين ما عايزنك تهجس شوية بعد شردة ال3 شهور,, موية سكر بس اليومين دي,,, ولا كيف يا هيثم ؟؟؟
بالراحة بالله يا هيثم الراجل جايي جديد.

الغريبة أنا قلت ليهو مبروك الكاس لهلالك وهو الفريق الوحيد البتشجعو الحيجيب ليك عمار السنة دي(محلي طبعاً)
والباقين ديك خليهم بتشوف عينو....
قال ريال قال!!!!!

طبعاً يا اخوانا الجاهوري حيقول ليكم كاس الملك دة للريال زي كاس السودان للهلال(منافسة درجة تانية)
{وحكمة الله كل سنة يتعبو الإتنين ويجرو وراهو لمن روحم تمرق وبعد يخسروه يقولو ليك.......بس.......هو ذاتو عفن}
أهااااااااااا
الكركون لحق الريال أمات طه ، وقال كيف؟؟؟ المذيع الريالي قال : تبخرت أحلام الثلاثية ........!!!!!!
هو حيكون في كاس واحد عشان يكونو تلاتة؟؟؟؟؟؟؟؟؟؟

ياهيثم صاحبك الجاهوري ما داير كاسات السنة دي ,, رد اعتبارات بس!!

وييييييييييييييين الجاهوري ياخوانا؟؟؟!؟؟؟

ولا إنتر
ولا إيتو
ولا مورينهو
ولا ميليتو
ولا جن ، ولا سحرة
بقادرين على أن يلحقوا أثره
وعليييييييييييييييييييك الله يا الجاهوري :
الإنتر وشيلسي وريال مدريد وهيثم مصطفى-كووووووووولهم في صحن واحد- فيهم واحد يقدر يلعب الباص بتاع تشافي بتاع القون التاني؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ويا يوم 29 ما تسرع وتورينا تاااااااااااااااااااااااني ستة في الجماعة

أقل من 48 ساعة على الموقعة الكبرى ببرشلونة ويا هيثم كرستيانوا رجع وكاكا مولع وكريم خطير ... ريال الحالى بختلف عن ريال زمان ... مولانا عثمان متي طلب من افتح جميع الهواتف الثابتة والنقالة وبشرني بفوز كبير ومولانا نظرتوا ثاقبة ...

اخونا الجاهوري مرحبا بعودتك ,,,, لكن توقيتك غلط ,, اتعودت تزوغ بعد خيبات الهلال ,,, طبعا الهلال حسم الدوري لكن الهزيمة من المريخ خيبة ايضا ,,, لذلك كان تنتظر بعد المباراة !! خايفين نشوفك يومين وتقوم تكجنا ,,,, وتختفي تاني ,,, بعد مباراة بكرة الاكيد حتختفي بعدها مافي شك ,,, ومباراة الانتر كانت البداية ,,, والله يا الجاهوري ,, لو برشلونة قام بي ريال مدريد برضو حقو تقلب ...
يا جاهوري ميلان اخد من ريال مدريد اربعة نقط في دوري الابطال ,, والريال يا الله طلع بي نقطة
وبرشلونة اخد اربعة نقط من الانتر والانتر طلع بي نقطة واحدة
قصتكم شنو؟؟؟

وكان باريت كلام متي بغطس حجرك ,,, عموما ان شاء الله تفتح الجوال.

متي شفت بتاع كور ومن زمن ودراوة عينوا نجيضة وبعرف الفايز ... عموماً ريال والبرسا ما معروف نتيجته لكن المريخ على مسئوليتي ما بغلبنا وما بغلبنا ... وانا ماشى اشوف ندى القلعة نكحل عيونا شوية

مدثر الجاهوري كتب:

يا هيثم كرستيانوا رجع وكاكا مولع وكريم خطير ...

ريال الحالى بختلف عن ريال زمان ...

..

يافؤادي لا تسل أين ال"ريال"
كان صرحاً من خيال فاستحال ...........................................................رماد

بختلف كيف يعني يالجاهوري كدي تعال أشرحا لينا !!!؟؟

داك بياخد ستة في إستادو ودة بتغلب واحد بس؟؟؟؟؟؟

والله برضو اختلاف

سنة يااااااااااااااا إبراهيموفيتش
(كمان قول لي ما ولدنا وجاكم من الإنتر)

وقلت لي كيف ؟؟؟؟
ما بتتغلب من المريخ؟؟!!!!؟؟؟

تفكير جاد في اغلاق هذا البوست ,, حفظا لصحبة مدثر الجاهوري ,,, أو تسجيل ميسي وابراهيموفتش وزافي وانيستا وبيكي ويحي توريه في ريال مدريد ,, عشان نشوف الجاهوري ,,, وما هكذا تظل هاربا يا جاهوري ,,عهدتك مقداما مصادما ,, لكن الله يجازي الكان السبب!!!,, أكيد ما هيثم .
لكم الود.

أهاااااااااااا

وكمان الليلة كان اليوفي لحق لينا الإنتر أمات طه

الجاهوري دة تلاقوه في كاس العالم -كان حيينا-

مبروك لجماهير المريخ ,,, وهاردلك للهلالاب ,,, الجاهوري غتست حجرنا,,, شكيتك علي الله ,, والقادم أحلي قلت لي؟
لكم الود.

هيثم على الشفيع كتب:

وكمان الليلة كان اليوفي لحق لينا الإنتر أمات طه

الجاهوري دة تلاقوه في كاس العالم -كان حيينا-

وشيلسي إتغلب
الإنتر إتغلب
هلال الملايين إتغلب
والبركة في الميريا الخلي للجاهوري فريق ما اتغلب في اليومين الفاتو

نقول ليك فرق وهم .............تقول لأ

هو إنتو أنا بتكلم مع منو؟؟؟؟؟
وحاتكم الزول دة تاني ما يظهر إلا في حالة واحدة....................الهلال يغلب ليهو المريخ في كاس السودان

ياخي والله حمدلله على السلامة

وبركة الظهرتك هلال/مريخ (كان ما هلالك يتغلب وتغتس تاني ما تظهر)

لكن اشمعني بتتكلم عن الإنتر في الدوري الإيطالي والريال في الأبطال؟؟؟ما توحد لينا البطولات

قلت لي الدافي في قبضة الهلال؟؟؟ ودة فاوضتوه قبل هلال/مريخ ولا بعدها؟؟؟
{السؤال : البيخلي الدافي إضافة حقيقية للهلال وكلتشي "الفاوضو المريخ قبل هلال/مريخ إياها" مرتشي شنووووووو؟؟؟؟؟؟}

كان ما يطلع زي إيداهور "ولدنا" الجبتو ليهو صور بفانلة الهلال