المواضيع الأخيرة
إشلاق دوت كوم....ishlag.com
+10
محمد الباقر
عادل الشيخ
هالة الزبيدي
هيثم على الشفيع
سلمى الشفيع
معتصم يوسف
المشرف العام
عماد الشفيع
معاوية علي الشفيع
ميرغني ابراهيم
14 مشترك
أصحاب جد كوم :: اشكال والوان :: استراحة
صفحة 5 من اصل 5
صفحة 5 من اصل 5 • 1, 2, 3, 4, 5
رد: إشلاق دوت كوم....ishlag.com
الي معاويه / هسه الجاب سيرة المرحوم عبد الحميد كمبال وجنكل معاي منو؟؟؟ الزول دا قال هم في جيل وانا في جيل ,,, كان عندك كلام عايز تقولوا ,, قولوا عديل,,, لك الود.
ميرغني ابراهيم- المشرف العام
- عدد الرسائل : 4016
تاريخ التسجيل : 04/11/2007
رد: إشلاق دوت كوم....ishlag.com
الاخ حامد الزبيدي / القال ليك صلاح ادريس ما كان في الاشلاق منو ؟؟؟؟
صلاح ادريس الحسن الملقب بالجريمه ,,, ابوهو الصول ادريس الحسن ,, رحلوا الي الحي الاوسط اوائل السبعينات ,, ولكن كان علي صله بالاشلاق وكورة الاشلاق وكان لاعبا حريفا بي جد يلعب في منتصف الملعب ,, وكان يلعب مع منتخب الاشلاق رغم انتقالهم الي الحي الاوسط حتي سفره لمصر في نهاية السبعينات لدراسة الزراعه ,,, وحضر للسودان وعمل في اماكن متعدده اخرها كان بابي عشر قبل حضوري للسعوديه ,, بعدها انقطعت اخباره ,, شوف ليك اسم تاني ,,, لك الود.
صلاح ادريس الحسن الملقب بالجريمه ,,, ابوهو الصول ادريس الحسن ,, رحلوا الي الحي الاوسط اوائل السبعينات ,, ولكن كان علي صله بالاشلاق وكورة الاشلاق وكان لاعبا حريفا بي جد يلعب في منتصف الملعب ,, وكان يلعب مع منتخب الاشلاق رغم انتقالهم الي الحي الاوسط حتي سفره لمصر في نهاية السبعينات لدراسة الزراعه ,,, وحضر للسودان وعمل في اماكن متعدده اخرها كان بابي عشر قبل حضوري للسعوديه ,, بعدها انقطعت اخباره ,, شوف ليك اسم تاني ,,, لك الود.
ميرغني ابراهيم- المشرف العام
- عدد الرسائل : 4016
تاريخ التسجيل : 04/11/2007
رد: إشلاق دوت كوم....ishlag.com
اخواني ،،
يا جماعة انا قلتا من الاول الزول ده ما بتقدروا عليهو وجراكم الى مصيدة تذكر اسر الاشلاق ومافي زول فيكم قدر يتذكر اي اسرة ،،، وانا يا غرق يا جيت حازمة ،،، يا ميرغني بتتذكر خيراوي ومن هم افراد اسرته وكمساعدة خيراوي كان ساكن جارنا وجار والدنا المرحوم أحمد العباس 0
يا جماعة انا قلتا من الاول الزول ده ما بتقدروا عليهو وجراكم الى مصيدة تذكر اسر الاشلاق ومافي زول فيكم قدر يتذكر اي اسرة ،،، وانا يا غرق يا جيت حازمة ،،، يا ميرغني بتتذكر خيراوي ومن هم افراد اسرته وكمساعدة خيراوي كان ساكن جارنا وجار والدنا المرحوم أحمد العباس 0
حامد ابراهيم عمر الزبيدي- صاحب نشيط
- عدد الرسائل : 99
تاريخ التسجيل : 26/05/2008
رد: إشلاق دوت كوم....ishlag.com
العم خيراوي ,,, كان شاويش ,, قصير القامه مع صلعه خفيفه وطبعا موضوع سكنه جنبنا دا اظنك الحاجه الوحيده البتعرفها ,,, كان يمتلك عودا وهو شايقي زوجته من مدني كان يقال لها خيراويه واشتهرت به دونا عن اسمها الاصلي ,,, وكانت له بنتان صباح وناديه ,,, وشوف غيرهم ,,, لكم الود.
ميرغني ابراهيم- المشرف العام
- عدد الرسائل : 4016
تاريخ التسجيل : 04/11/2007
رد: إشلاق دوت كوم....ishlag.com
ولي مع هذه الأسرة قصة شهيرة أنني كنت أذهب مع من يذهب لمنزلهم لأنهم كانوا من أوائل الأسر التي أدخلت التلفزيون ....وتلفزيونهم بعد جديد ذهبنا إليهم ولا حظت وأنا أتفرج على التلفزيون أن خيراوي وخيراوية يتحدثان ويضحكان ، ولما عدت للمنزل أخبرت والدتي
-يرحمها الله - قائلاً:
خيراوية فرحاااااااااااااانة بي راجلا
ولما أخبرتها أمي بذلك قالت: شديتو فوق النبي يايمة شاف فرحتي وين!!؟؟
-يرحمها الله - قائلاً:
خيراوية فرحاااااااااااااانة بي راجلا
ولما أخبرتها أمي بذلك قالت: شديتو فوق النبي يايمة شاف فرحتي وين!!؟؟
هيثم على الشفيع- مشرف
- عدد الرسائل : 1910
تاريخ التسجيل : 23/11/2007
رد: إشلاق دوت كوم....ishlag.com
يامرغنى ديل كانوا متين انا والله ما متذكرهم اظن بعد ما طلعنا من الاشلاق او قبل ما نجى ؟
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: إشلاق دوت كوم....ishlag.com
انت زعلت يا دكتور؟؟أنا ماصححت لأنو حامد قال الجماعة ديل جيلك..لكن وضعهم فى جيل تانى ..وفتشت ليهو عن عذر لإختلاط الأجيال فى ذاكرتو.فلم أجد غير ما ذكرت...فان أصبنا فالحمد لله وان أخطأنا فما تزعلوا...
معاوية علي الشفيع- صاحب تختو في الجرح
- عدد الرسائل : 345
تاريخ التسجيل : 06/11/2007
رد: إشلاق دوت كوم....ishlag.com
اخي هيثم تعرف اول اسرة امتلكت تلفزيون كانت اسرة منو !!!!!!! وبالمناسبة السؤال ده مطروح على الجميع
حامد ابراهيم عمر الزبيدي- صاحب نشيط
- عدد الرسائل : 99
تاريخ التسجيل : 26/05/2008
رد: إشلاق دوت كوم....ishlag.com
ها ياحامد هوي !!!
شوف الجميع ديل وين وأسألم ...
إنتو عشان الواحد شارك معاكم في البوست دة قايلنو قدركم؟؟؟؟!!!؟؟
أنا - قطع شك - لما أول زول جاب تلفزيون في الإشلاق بكون لسة ما اتولدت
شوف الجميع ديل وين وأسألم ...
إنتو عشان الواحد شارك معاكم في البوست دة قايلنو قدركم؟؟؟؟!!!؟؟
أنا - قطع شك - لما أول زول جاب تلفزيون في الإشلاق بكون لسة ما اتولدت
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: إشلاق دوت كوم....ishlag.com
ها يا هيثم هوي ،،،
انا سبق وان اعترفت انك من الدفعات اللاحقة لدفعتي ،،، لكن ما لدرجة اول تلفزيون في الاشلاق ،،،، بعدين الفرقة ما كبيرة شديد اذا كنت دفعة خالد السر او عوض التس ،،، كدي وريني منو دفعتك في الاشلاق وانا بعد ذلك اشوف ،،، هيثم انا بتذكرك جدا ،، ما تعمل لي فيها شافع صغير ،،، بعدين يا اخي انا دفعة قدورة ( جيل قرعم ) لكن بعرفهم واحد واحد ومتذكر قصصهم امكن اكثر منهم ،،،، لكن كان بتتذكر ناس خيراوي وقعت معاي يا ود الشفيع ،،،، واجابتي على السؤال الما قدر ( الجميع يجاوبوه ) هو ان او تلفزيون بالاشلاق كان في منزل الوالد المرحوم السر حسن نصر الله ،،،، وسؤال لهيثم الاشلاق والجميع ( على وزن هيثم الخلاء ) من كان مسئول الجمعية التعاونية في اوائل السبعينيات !!!!! ما تقول لي الوكت داك كنت درفون 0
انا سبق وان اعترفت انك من الدفعات اللاحقة لدفعتي ،،، لكن ما لدرجة اول تلفزيون في الاشلاق ،،،، بعدين الفرقة ما كبيرة شديد اذا كنت دفعة خالد السر او عوض التس ،،، كدي وريني منو دفعتك في الاشلاق وانا بعد ذلك اشوف ،،، هيثم انا بتذكرك جدا ،، ما تعمل لي فيها شافع صغير ،،، بعدين يا اخي انا دفعة قدورة ( جيل قرعم ) لكن بعرفهم واحد واحد ومتذكر قصصهم امكن اكثر منهم ،،،، لكن كان بتتذكر ناس خيراوي وقعت معاي يا ود الشفيع ،،،، واجابتي على السؤال الما قدر ( الجميع يجاوبوه ) هو ان او تلفزيون بالاشلاق كان في منزل الوالد المرحوم السر حسن نصر الله ،،،، وسؤال لهيثم الاشلاق والجميع ( على وزن هيثم الخلاء ) من كان مسئول الجمعية التعاونية في اوائل السبعينيات !!!!! ما تقول لي الوكت داك كنت درفون 0
حامد ابراهيم عمر الزبيدي- صاحب نشيط
- عدد الرسائل : 99
تاريخ التسجيل : 26/05/2008
رد: إشلاق دوت كوم....ishlag.com
يا اخوانا دة يقولو ليو تور يقول أحلبوه
إنت ما مصدق إني ما اتولدت لما حاجاتك البتسأل عنها دي حصلت؟؟!!؟؟
بالجد وبدون هظار أنا كان معاي في الروضة (فيصل "القاش"-والقاش دة أمو ولا أبوهو ماعارف) والمرحوم/عوض الكريم مالك وابتسام ابراهيم حسن-لكن دي أكبر مني بسنة-........ديل المتذكرم ، وعشان هالة الزبيدي ما تقول نكرت قالت عندها صورة عوض التس معانا فيها لكن والله ما متذكرو معانا في الروضة بس متذكر قصصو الفي الإشلاق
ومن الآخر خالص أنا مواليد 5/8/1971م
يعني مستحيل أتذكر ليك زول الجمعية السألت منو دة
إنت ما مصدق إني ما اتولدت لما حاجاتك البتسأل عنها دي حصلت؟؟!!؟؟
بالجد وبدون هظار أنا كان معاي في الروضة (فيصل "القاش"-والقاش دة أمو ولا أبوهو ماعارف) والمرحوم/عوض الكريم مالك وابتسام ابراهيم حسن-لكن دي أكبر مني بسنة-........ديل المتذكرم ، وعشان هالة الزبيدي ما تقول نكرت قالت عندها صورة عوض التس معانا فيها لكن والله ما متذكرو معانا في الروضة بس متذكر قصصو الفي الإشلاق
ومن الآخر خالص أنا مواليد 5/8/1971م
يعني مستحيل أتذكر ليك زول الجمعية السألت منو دة
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: إشلاق دوت كوم....ishlag.com
اخونا حامد العماني ياخوي أول ناس جابو تلفزيون في الاشلاق ديل أل المرحوم عمنا الشيخ سلمان (رحمة الله علية) جابو ليهم عمهم من السعودية عثمان الشيخ والزمن داك كلنا صاحبنا صلاح الشيخ عشان التلفزيون أسال ميرغني
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
ياسلام ياميرغني قصة (قيل التمرين) رجعتنا سنين الله الله الله يازمن الله يديك العافية
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
شوف يا زول تور ولا تيس انا ما بعرف ،، انتا اتذكرتا عمنا خيراوي وكمان كنت بتتفرج في بيتهم التلفزيون يعني عاقل وبتفهم الحاصل ،،،، يا اخي مصدق انك ما بتعرف الحاجات البسال عنها 0
فيصل ودالقاش اسمه ( فيصل محمد عطا الفضيل ) وامه اسمها القاش ،،، وهم شايقية من الكُنيسة ،،، هيثم انتا مواليد 5/8/1971 ( والله هيثم ما درفون) ،،، اسي بتكون بتذكر ( القلاشين ) صاح 0
الأخ معتصم يوسف ،،،، أنا مصر جدا أن أول تلفزيون في الاشلاق كان في بيت والدنا المرحوم السر حسن نصر وليس والدنا المرحوم الشيخ سلمان ،، انا خايف اقول كنا بنحضر فيه جنة الاطفال يقوم هيثم يشب لي في حلقي ،،، بعدين جنة الاطفال دي نحنا ساكنها من حي الممرضين بيت والدنا المرحوم بشير البدوي يعني تلفزيون ناس عم بشير البدوي سابق لتلفزيون عم السر حسن نصر الله 0
فيصل ودالقاش اسمه ( فيصل محمد عطا الفضيل ) وامه اسمها القاش ،،، وهم شايقية من الكُنيسة ،،، هيثم انتا مواليد 5/8/1971 ( والله هيثم ما درفون) ،،، اسي بتكون بتذكر ( القلاشين ) صاح 0
الأخ معتصم يوسف ،،،، أنا مصر جدا أن أول تلفزيون في الاشلاق كان في بيت والدنا المرحوم السر حسن نصر وليس والدنا المرحوم الشيخ سلمان ،، انا خايف اقول كنا بنحضر فيه جنة الاطفال يقوم هيثم يشب لي في حلقي ،،، بعدين جنة الاطفال دي نحنا ساكنها من حي الممرضين بيت والدنا المرحوم بشير البدوي يعني تلفزيون ناس عم بشير البدوي سابق لتلفزيون عم السر حسن نصر الله 0
حامد ابراهيم عمر الزبيدي- صاحب نشيط
- عدد الرسائل : 99
تاريخ التسجيل : 26/05/2008
رد: إشلاق دوت كوم....ishlag.com
الاخوة بالمنتدي: مواصلة لما انقطع......
ظهر عبد العزيز ود التومه الشهير بعزو من ناحية الدقاقات بجانب المدرسه الثانويه وهو يمشي مشيته التي يستحيل وصفها الا لمن عرفها ,,, وقبل ان يصل جيدا بدا بمهاترة عبد المنعم شبو قائلا : يا الهامل دا انت ما عندك اهل ولا شنو ,,, جايي من آخر الواطه{ طبعا ناس شبو كانوا يسكنون الامتداد وقتها} ,,,
رد منعم شبو قائلا : هامل انا ولا انت ؟ انا علي الاقل قاعد مع اهلي ,, ناس خديجة بت مدني ديل طلعت زيتهم ,,, يكونوا طردوك هسه قبل الغدا ,,
عزو: الحمد لله واتبعها بدشوته المعروفه ,,, متغدي جداد وحمام ,, مش الرجله بتاعتكم دي ,, كل يوم رجله ماعندكم شغله براها ,,, يوم رجله بي العدس ويوم بي الرز ويوم من غير رز ولا عدس .
شبو : الرجله دي ما مواد حديديه يا عربي يا اطرش.
عزو: حديديه قال ,, والله ياشبو لو فيها مواد حديديه كنت بقيت قطر انت!!!! وكييك كييك كييك { الضحكه الشهيره}
هسه كدي خلونا اب اديه وين ,, ؟عامل ضُقلو دا يكمش الكوره دي بعد التمرين ويزوغ,,
وقبل ان يكمل جملته ظهر قدوره من ناحية اليمين جنوب منزل الضابط وشمال منزل مدير المدرسه ,, وهو كما وصف عزو تماما متأبطا الكوره والصفاره في اليد ,,,,
خمستار مستر خداجي بشير دنيا مالو شرابو نهي قسم كي,,,
عزو: كدي ادينا الكوره دي بلا خداجي بشير بلا كلام فاضي عامل سراويلك دي,,, دا انت قاصهو ليك الزينه؟
قدوره: الزينه ! يا عربي يا مطرطش .
بدا عزو وشبو في نزع الجلاليب ,, لتظهر تحتها ملابس التمرين ,,,,وتحركنا في اتجاه الميدان,,,, نواصل
ظهر عبد العزيز ود التومه الشهير بعزو من ناحية الدقاقات بجانب المدرسه الثانويه وهو يمشي مشيته التي يستحيل وصفها الا لمن عرفها ,,, وقبل ان يصل جيدا بدا بمهاترة عبد المنعم شبو قائلا : يا الهامل دا انت ما عندك اهل ولا شنو ,,, جايي من آخر الواطه{ طبعا ناس شبو كانوا يسكنون الامتداد وقتها} ,,,
رد منعم شبو قائلا : هامل انا ولا انت ؟ انا علي الاقل قاعد مع اهلي ,, ناس خديجة بت مدني ديل طلعت زيتهم ,,, يكونوا طردوك هسه قبل الغدا ,,
عزو: الحمد لله واتبعها بدشوته المعروفه ,,, متغدي جداد وحمام ,, مش الرجله بتاعتكم دي ,, كل يوم رجله ماعندكم شغله براها ,,, يوم رجله بي العدس ويوم بي الرز ويوم من غير رز ولا عدس .
شبو : الرجله دي ما مواد حديديه يا عربي يا اطرش.
عزو: حديديه قال ,, والله ياشبو لو فيها مواد حديديه كنت بقيت قطر انت!!!! وكييك كييك كييك { الضحكه الشهيره}
هسه كدي خلونا اب اديه وين ,, ؟عامل ضُقلو دا يكمش الكوره دي بعد التمرين ويزوغ,,
وقبل ان يكمل جملته ظهر قدوره من ناحية اليمين جنوب منزل الضابط وشمال منزل مدير المدرسه ,, وهو كما وصف عزو تماما متأبطا الكوره والصفاره في اليد ,,,,
خمستار مستر خداجي بشير دنيا مالو شرابو نهي قسم كي,,,
عزو: كدي ادينا الكوره دي بلا خداجي بشير بلا كلام فاضي عامل سراويلك دي,,, دا انت قاصهو ليك الزينه؟
قدوره: الزينه ! يا عربي يا مطرطش .
بدا عزو وشبو في نزع الجلاليب ,, لتظهر تحتها ملابس التمرين ,,,,وتحركنا في اتجاه الميدان,,,, نواصل
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
الله ياميرغني مابفهم الكلام دا إلا الشخص العاش الزمن الجميل ميرغني طول عمرك مبدع الله يديك العافية اخوك شراح رياضيات
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
بس كنت اتمنى الاخوان الباقر وشبو وابوعبيدة وعماد الخيمة يشوفو الكلام دا
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
الاخ / معتصم ,,, اشكرك علي المرور والتعليق,,, تلك ايام لا تنسي ,, ومهما كتبنا واسهبنا لا نستطيع حقيقة ان نوفيها حقها ,,, لك الود ,, ونطلب منك العون والمساعده ,, بالمداخله والاضافه لانه اكيد في اشياء ستسقط سهوا ,, ارجو ان امكن لملمتها ونشرها ,, لك الود مرة اخري.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
دردق عزو الكره امامه في اتجاه الملعب وتبعه شبو وقدوره,,, عادة ما نبدأ في العارضه الشماليه ,, حيث يجثم خارج ارض الملعب من الشماليه ,, مجموعه من عناقريب داخلية دقنه وعن يمينها مزيرة الداخليه الفارغه من ازيار,, وعلي مسطبه المزيره يجلس عادة مجموعه قليله من ابناء الداخليه من غير المجتهدين ,,{ كان كل ابناء الداخليات من المتفوقين من قري شمال الجزيره ,, واغلبهم كان حسن السلوك وطيب المعشر ,, ولكن كانت دائما تقف بيننا وبينهم حواجز مصطنعه منا ومنهم كابناء قري ,, كان يعتبروننا ابناء مدينه ولكن في الحقيقة نحن كنا ابناء قري اكثر من مدينه ,, وبيننا وبينهم طرف ,, سياتي الوقت لسردها}
عزو بصوت عال: اعكس يا شبو
ثم بصوت خفيض: عاين الايديه,, تقول الزول دا هسه يعكس ليك ولا ابو العز{ طبعا شبو كان اكيش اشول في الدنيا},, هسه يجيبها ليكم بي الواطه تتشلوط.
وقد كان ,, رفع شبو يده عاليا اشارة الي ان الكره ستاتي عاليه ثم ارسلها ارضيه تتهادي تحت ارجل قدوره.
بدا الاخرون في الحضور تباعا ,, باشاتا اولا ثم معتصم ساتي ,, ثم من اقصي الشمال ظهر ود العباس والسري ثم صلاح السر ,, وجمال سيتاخر كالعاده قليلا,, ثم مامون الحلاوي ثم ابو عبيده وبدر الدين وجمال حسن الطيب ,, معتصم يوسف واسامه ود الممرضين ,, وعماد من ناحية المايقوما ,, صلاح الشيخ ,, ثم بابكر بانقا ,, ويوسف العربي { الراجل} ,,بعضهم جاء الي الميدان مباشرة وبعضهم بقي تحت ظل حائط منزل السر الغربي في انتظار القسمه,,,
واثناء محاولات التسديد علي المرمي امسك قدوره بالكره فجأة ثم صفر متجها الي منتصف الملعب ,, تبعه الجميع بين راضي وغير راضي من غير تذمر ,, واصطففنا في منتصف الملعب ,, ثم قرر قوره ان القسمه تكون بين فيصل ساتي ومعتصم يوسف من ناحية اخري ,, قام قدوره بعمل القرعه التي ابتسمت لباشاتا ليبدأ {العزله} ,, واحد هنا واخر هناك حتي تم تقسيمنا الي فريقين ,,, ثم طلب قدوره من ود العباس ان يحكم الكوره ,, رفض ود العباس ثمن ابو عبيده ,,, فقال قدوره انا ساحكم لكن مافي زول يتكلم معاي ,,, ثم بحدره : سامع يا ود الزبيدي ,,
طبعا لازم اكون سامع والا فالويل لنا جميعا ,,,,بدا التمرين واستمر لساعتين مابين مراواغات عزو وانطلاقات شبو من الجهة اليسري وتسديدات معتصم يوسف الصاروخيه ,,, واعتراضات فيصل ساتي ,, وتحفيزه لزملائه وبين لولوة جمال السر واهداف صلاح السر وتمريرات ود العباس المحكمه ,, حتي مغيب الشمس
عزو بصوت عال: اعكس يا شبو
ثم بصوت خفيض: عاين الايديه,, تقول الزول دا هسه يعكس ليك ولا ابو العز{ طبعا شبو كان اكيش اشول في الدنيا},, هسه يجيبها ليكم بي الواطه تتشلوط.
وقد كان ,, رفع شبو يده عاليا اشارة الي ان الكره ستاتي عاليه ثم ارسلها ارضيه تتهادي تحت ارجل قدوره.
بدا الاخرون في الحضور تباعا ,, باشاتا اولا ثم معتصم ساتي ,, ثم من اقصي الشمال ظهر ود العباس والسري ثم صلاح السر ,, وجمال سيتاخر كالعاده قليلا,, ثم مامون الحلاوي ثم ابو عبيده وبدر الدين وجمال حسن الطيب ,, معتصم يوسف واسامه ود الممرضين ,, وعماد من ناحية المايقوما ,, صلاح الشيخ ,, ثم بابكر بانقا ,, ويوسف العربي { الراجل} ,,بعضهم جاء الي الميدان مباشرة وبعضهم بقي تحت ظل حائط منزل السر الغربي في انتظار القسمه,,,
واثناء محاولات التسديد علي المرمي امسك قدوره بالكره فجأة ثم صفر متجها الي منتصف الملعب ,, تبعه الجميع بين راضي وغير راضي من غير تذمر ,, واصطففنا في منتصف الملعب ,, ثم قرر قوره ان القسمه تكون بين فيصل ساتي ومعتصم يوسف من ناحية اخري ,, قام قدوره بعمل القرعه التي ابتسمت لباشاتا ليبدأ {العزله} ,, واحد هنا واخر هناك حتي تم تقسيمنا الي فريقين ,,, ثم طلب قدوره من ود العباس ان يحكم الكوره ,, رفض ود العباس ثمن ابو عبيده ,,, فقال قدوره انا ساحكم لكن مافي زول يتكلم معاي ,,, ثم بحدره : سامع يا ود الزبيدي ,,
طبعا لازم اكون سامع والا فالويل لنا جميعا ,,,,بدا التمرين واستمر لساعتين مابين مراواغات عزو وانطلاقات شبو من الجهة اليسري وتسديدات معتصم يوسف الصاروخيه ,,, واعتراضات فيصل ساتي ,, وتحفيزه لزملائه وبين لولوة جمال السر واهداف صلاح السر وتمريرات ود العباس المحكمه ,, حتي مغيب الشمس
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
وقسم بالله ياميرغني انت مش دكتور وبس انت مؤرخ لاحداث عظيمة لمن عاشها. ميرغني تسلم بس وين بانقي (بابكر بانقا) لكن نحن كنا (22) في الميدان اذكرهم
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
انا بذكر بعضهم والباقي عليك.-قدورة-محمد العباس - الباقر- صلاح الشيخ-باشاتا-معتصم ساتي-معتصم يوسف المسالم-ودالذبيدي-جمال السر-صلاح السر ( رحمة الله علية) - مامون الحلاوي-عزو ود التومة- شبو الجناح الخطير لنفسو- وابوعبيدة بتاع الضرائب- عباس -ابولاحظ بس مش كان - الثري- عم ميرغني اسمو هاشم ظريف شديد- جنكل اخو فيركو- العمدة السخي- العكاليت محمد ساتي وعادل الشيخ - وابوكليقة الظريف - كنا (22) الباقي منو نسيت
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
اثناء محاولاتي للحاق بالرفاق بعد التمرين ,,,دخلت الي الحجره الصغيره التي ترقد في الجزء الجنوبي الغربي من الحوش ,,والتي تمت اضافتها بالعون الذاتي { اي انها ليست جزءا من البيت الذي بنته الحكومه المكون من غرفتين ومطبخ ومزيره وادبخانه كانت الي وقت قريب جردل,, ولعيفونه قصص وقصص,, خير من يحكيها حامد الزبيدي},, ولماذا العون الذاتي لانه في وقتها تمت اضافة فصلين لجميع المدارس الاوليه{ خامسه وسادسه} لتصبح ابتدائيه ,, وتم بناءها بواسطة المواطنين ,, وكانت في الغالب لا تشبه بقية المدرسه معماريا ,, المهم ككل بيوت الاشلاق كان لنا حمام بالعون الذاتي ,, طبعا يبني من طوبه واحده وليس له سقف ,, وبابه حسب الوضع الاجتماعي ,, فبعضهم كان باب زنك ,,, اما حمامنا فكان بابه من جوالات القطن الكبيره يوضع طوليا في فتحة الحائط ويثبت بمسامير غليظه ’’ تستعمل من الداخل كشماعه,,, كان علية القوم في الاشلاق يمدون المواسير لداخل الحمام لتصبح دشا مريحا ,, اما نحن فحتي تلك اللحظه ,, كان لنا خياران اما الجردل { حي ووب} او تقوم بتثبيت الخرطوش بالماسوره بعد ان تقوم بربطه جيدا بالدوبارة وتحمل الطرف الاخر للخرطوش للحمام لتهنأ بحمام هنئ,, ونسبة لان معظم الخراطيش في ذلك الوقت نص عمر,, ستجد به شقوق وثقوب متعدده تقلل من كفاءة الخرطوش كدش ,, والتي كان يمكن التحايل عليه بالجلوس بالبنبر الموجود بالحمام عادة,, ولكن لا يمكنك التحايل علي كمية الماء التي ترشح من ثقوب الخرطوش خارج الحمام محدثة بركا صغيرة بالحوش ,, وهذه لا تجد رضا ولا استحسانا من الحاجه واخواتنا الكبار{ كنا نضع شيئا من الاعتبار لهذا عندما كنا اصغر سنا ,, ولكن بعد الثانوي صار الحديث معنا صعبا في مثل هذه الامور الصغيره},,
المهم في هذا اليوم ,, كنت في عجلة من امري فانجزت المهمه باستخدام اسهل الطرق,,, رغم ملاحقات صفافير عمده المميزه ,, ودائما اتساءل لماذا عمده يكون اول الواصلين الي عامود النور امام الجمعيه ,, بين بيت ناس شبو وبنداس ,,؟؟؟
أهو لا يستحم؟؟؟
عموما ارتديت كيفما اتفق ,,, وصفقت الباب خلفي وانا اتحسس الشلن داخل جيبي..
يتبع
المهم في هذا اليوم ,, كنت في عجلة من امري فانجزت المهمه باستخدام اسهل الطرق,,, رغم ملاحقات صفافير عمده المميزه ,, ودائما اتساءل لماذا عمده يكون اول الواصلين الي عامود النور امام الجمعيه ,, بين بيت ناس شبو وبنداس ,,؟؟؟
أهو لا يستحم؟؟؟
عموما ارتديت كيفما اتفق ,,, وصفقت الباب خلفي وانا اتحسس الشلن داخل جيبي..
يتبع
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
سؤال فى محله وانت رديت عليه تلقائيا فى سردك والسبب هو انتو ماعندكم حمام وتعانوا فى ذلك اما نحن فالوالد كان ما مقصر عامل لينا حمام والدش يفلق الرأس والصابون اللوكس الما خمج ما شفت ريحتنا كانت مميزة كيف اسأل معتصم النسيم 0000 وطبعا يا مرغنى اكثر مرة عانينا فيهاواتنظفنا فيها عندما سكنت مع عمك شبو والله يصرفوا لينا التعليمات زى العساكر لازم تقوم بدرى فى الصيف ولا الشتاء وتمشى تستحمه والمصيبة الحمام حق العنابر تلقانه انا وشبو وصلاح متبارين ده وراء ده زى الدينكا او تلقانا متعاقبين زى النمل وكانت لنا ايام وعليك الله وآصل نحن فى الانتظار0000
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: إشلاق دوت كوم....ishlag.com
نعم وأكيد أهو لايستحم والا الان لم يستحم قال لوكس قال ياحليل صابون العدة وفي العيد بجيبو ليكم صابونة فنيك
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
تحياتي / فرداتي الشمال واليمين معتصم وعماد ,, شكرا للمرور والتعليق,, سا حاول ان اجيب علي سؤال لمعتصم يوسف ,,لم الاحظه من قبل عن اعضاء الفريق في ذلك الزمن ,,وربنا يعيننا:
1/ مامون الحلاوي
2/ معتصم ساتي
3/ قدوره
4/ صلاح الشيخ
5/ معتصم يوسف
6/ باشاتا
7/ جمال حسن الطيب
8/ ابوعبيده حسن الطيب
9/ميرغني عبد الرحمن التوم
10/ يوسف عبد الرحمن التوم
11/قاسم الزاكي { احيانا}
12/ جنكل
13/ جمال السر
14/ صلاح لسر { له الرحمه}
15/ احمد المضمون{ احيانا}
16/ ميرغني الزبيدي
17/ عمده
18/ ود العباس
19/ الباقر
20/ بابكر بانقا
21/ يوسف العربي{ كنا نسميه بالراجل لانه كان متزوجا ونحن بعد بالثانوي}
22/ عزو
23/ منعم شبو
24/ السري
25/ عبد العظيم العربي { من العيدج ,, وكان يسكن مع ناس عمر عبد الرحيم}
26/محمد ساتي { احيانا}
27/ عادل الشيخ { احيانا}
28/اب كليقه { احيانا}
29/ عادل بشري
30/ اسامه احمد صالح
31/ محمد احمد صالح{ اولاد الممرضين}
32/ مبارك { الفحل}
33/ عماد يوسف { احيانا}
43/ حسين مرتزقه
44/ مرتضي ود الممرضين
اما عباس ابو لاحظ وعمي هاشم فكانوا في حالات نادره يلعبون علي سبيل الدعابه والتفكه..... اخي معتصم هذه الاسماء في عصر لاحق ,,, قبلهم كانت هناك اسماء
كثيره,,, لك الود الكثير.
1/ مامون الحلاوي
2/ معتصم ساتي
3/ قدوره
4/ صلاح الشيخ
5/ معتصم يوسف
6/ باشاتا
7/ جمال حسن الطيب
8/ ابوعبيده حسن الطيب
9/ميرغني عبد الرحمن التوم
10/ يوسف عبد الرحمن التوم
11/قاسم الزاكي { احيانا}
12/ جنكل
13/ جمال السر
14/ صلاح لسر { له الرحمه}
15/ احمد المضمون{ احيانا}
16/ ميرغني الزبيدي
17/ عمده
18/ ود العباس
19/ الباقر
20/ بابكر بانقا
21/ يوسف العربي{ كنا نسميه بالراجل لانه كان متزوجا ونحن بعد بالثانوي}
22/ عزو
23/ منعم شبو
24/ السري
25/ عبد العظيم العربي { من العيدج ,, وكان يسكن مع ناس عمر عبد الرحيم}
26/محمد ساتي { احيانا}
27/ عادل الشيخ { احيانا}
28/اب كليقه { احيانا}
29/ عادل بشري
30/ اسامه احمد صالح
31/ محمد احمد صالح{ اولاد الممرضين}
32/ مبارك { الفحل}
33/ عماد يوسف { احيانا}
43/ حسين مرتزقه
44/ مرتضي ود الممرضين
اما عباس ابو لاحظ وعمي هاشم فكانوا في حالات نادره يلعبون علي سبيل الدعابه والتفكه..... اخي معتصم هذه الاسماء في عصر لاحق ,,, قبلهم كانت هناك اسماء
كثيره,,, لك الود الكثير.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
قال قدورة وهو ينفض يده اليسري من بقايا التمباك , بينما لسانه يحاول ان يوهط السفه خلف شفته السفلي , ممسكا بكيس التمباك تحت ابطه الايمن : تعرف يا النسيم اليوم الجماعه بيصرفوا الماهيه , امشي جيب ليك كراس وقلم من دكان حسب الرسول وتعال.
انهمك بعدها قدورة في اصلاح اكوام الليمون علي الخيشه المبلوله جيدا بالماء والموضوعه علي طاوله خشبيه,,, ولم ينتبه الا ومعتصم يوسف ومعه عماد الشفيع واقفون خلفه,,, وهم يحاولون تسطير الكراس وعمل عمودين رئيسيين احدهما للاسماء والاخر للمبلغ ,, نادي قدوره علي احد جيرانه من ابناء اربجي وطلب منه مراقبة بضاعت حتي حضوره ,,,قطعواالطريق من داخل سوق الخضار مرورا باجزخانة الحصاحيصا عن اليمين بينما تناثرت عن يسارهم مجموعه من النساء الفراشات يعرضن الخضار وبعضهن يعرض بعض المنتجات اليدويه المصنوعه من السعف والطين من اطباق وبروش وادوات قهوة,, قال معتصم مداعبا عمده: تعرف الشرغرغ يا عمده؟ واجاب عمده كالعاده : ارغرغ..... وضحك كلاهما وهم يعبرون امام الاكشاك المتراصه بمحاذاة السكه حديد بدأً بكشك ليمون بوكو ,, عزم عليهم قدوره ان اشربوا ليمونا باردا من بوكو ,, فلم يرفضا ويقبلا بل انثنيا الي كشك بوكو,,, قال قدوره: لبوكو ,, يا اخي ما عايز تنزل صورة كمال عبد الوهاب دي مالك؟ بتطفش الزباين !!! رد عمده قبل ان يرد بوكو: هو يا والله جايبه ليهو الزباين ,,,
قال معتصم وهم يعبرون خطوط السكه حديد متجهون الي المركز :,,, شوف يا عمده ماتقبلوا من الماعه ديل اقل من ريال ,, مش اي واحد يدينا باقي فكه نشيله,,,,
دخلوا المركز مرورا بمخزن البنزين والحمامات اولا ثم البلاغات وقبل ان يتجهوا الي الصراف ,, اوقفهم العم يوسف عمسيب { رحمه الله} ماشين وين الليله يا قدوره؟
اجاب قدوره : والله يا عم يوسف الشباب ما عندهم كوره ,, وقلنا نجي نلم تبرعاتنا من ابواتنا هنا.
: خلاص انتو الموضوع دا خلوهو علي اقعدوا هنا ارجوني .
فرك معتصم يديه مبتهجا ,, فبهذه الطريقه لن يتعرضوا الي حرج السؤال الي جميع افراد الشرطه فرادي وسيقوم العم عمسيب بابلاغ الصراف باقتطاع مبلغ معين من كل فرد وتسليمهم مجموع ما تم التحصل عليه.
التفت اليه قدوره : فرحان يا خاينه خايفه.
عمده: خاينه خايفه دي شنو كمان جديده دي؟
قدوره: خاينه خايفه تأكل متعايفه وترقد متسايفه
عمده : وقل ربي زدني علما
قطع عليهم الحديث العم يوسف ,,, وهو يحمل اليهم مبلغ من المال
شكرا يا عم يوسف
عم يوسف: ديل تعبانين يا اولادي مفروض يدوكم اكثر من كده,, شوفوا ديل ولو ما تمت ليكم تعالوا لي.
خرجوا من المركز ومعتصم وعمده لا يطيقان صبرا لمعرفة المبلغ الذي تم جمعه ,, بينما قدوره يطالبهم بالهدؤ والرزانه حتي يخرجوا من حرم المركز.
انهمك بعدها قدورة في اصلاح اكوام الليمون علي الخيشه المبلوله جيدا بالماء والموضوعه علي طاوله خشبيه,,, ولم ينتبه الا ومعتصم يوسف ومعه عماد الشفيع واقفون خلفه,,, وهم يحاولون تسطير الكراس وعمل عمودين رئيسيين احدهما للاسماء والاخر للمبلغ ,, نادي قدوره علي احد جيرانه من ابناء اربجي وطلب منه مراقبة بضاعت حتي حضوره ,,,قطعواالطريق من داخل سوق الخضار مرورا باجزخانة الحصاحيصا عن اليمين بينما تناثرت عن يسارهم مجموعه من النساء الفراشات يعرضن الخضار وبعضهن يعرض بعض المنتجات اليدويه المصنوعه من السعف والطين من اطباق وبروش وادوات قهوة,, قال معتصم مداعبا عمده: تعرف الشرغرغ يا عمده؟ واجاب عمده كالعاده : ارغرغ..... وضحك كلاهما وهم يعبرون امام الاكشاك المتراصه بمحاذاة السكه حديد بدأً بكشك ليمون بوكو ,, عزم عليهم قدوره ان اشربوا ليمونا باردا من بوكو ,, فلم يرفضا ويقبلا بل انثنيا الي كشك بوكو,,, قال قدوره: لبوكو ,, يا اخي ما عايز تنزل صورة كمال عبد الوهاب دي مالك؟ بتطفش الزباين !!! رد عمده قبل ان يرد بوكو: هو يا والله جايبه ليهو الزباين ,,,
قال معتصم وهم يعبرون خطوط السكه حديد متجهون الي المركز :,,, شوف يا عمده ماتقبلوا من الماعه ديل اقل من ريال ,, مش اي واحد يدينا باقي فكه نشيله,,,,
دخلوا المركز مرورا بمخزن البنزين والحمامات اولا ثم البلاغات وقبل ان يتجهوا الي الصراف ,, اوقفهم العم يوسف عمسيب { رحمه الله} ماشين وين الليله يا قدوره؟
اجاب قدوره : والله يا عم يوسف الشباب ما عندهم كوره ,, وقلنا نجي نلم تبرعاتنا من ابواتنا هنا.
: خلاص انتو الموضوع دا خلوهو علي اقعدوا هنا ارجوني .
فرك معتصم يديه مبتهجا ,, فبهذه الطريقه لن يتعرضوا الي حرج السؤال الي جميع افراد الشرطه فرادي وسيقوم العم عمسيب بابلاغ الصراف باقتطاع مبلغ معين من كل فرد وتسليمهم مجموع ما تم التحصل عليه.
التفت اليه قدوره : فرحان يا خاينه خايفه.
عمده: خاينه خايفه دي شنو كمان جديده دي؟
قدوره: خاينه خايفه تأكل متعايفه وترقد متسايفه
عمده : وقل ربي زدني علما
قطع عليهم الحديث العم يوسف ,,, وهو يحمل اليهم مبلغ من المال
شكرا يا عم يوسف
عم يوسف: ديل تعبانين يا اولادي مفروض يدوكم اكثر من كده,, شوفوا ديل ولو ما تمت ليكم تعالوا لي.
خرجوا من المركز ومعتصم وعمده لا يطيقان صبرا لمعرفة المبلغ الذي تم جمعه ,, بينما قدوره يطالبهم بالهدؤ والرزانه حتي يخرجوا من حرم المركز.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
كلامك صاح كلو بس انت ماذكرت إنو انا مهمتي تنتهي بعد أن أسلم كامل المبلغ والكراس الى قدورة والعمدة بيعملو شنو بعد داك أنا ماعارف أنا كنت بسيبهم وأمشي مسجد السوق عشان أحصل صلاة الظهر جماعة (وبس)
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
في انتظار تعليق الاخ عمده علي ما ذكره الاخ معتصم,,, ونواصل,, لكم الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
العمده ,, معتصم ,, حامد ,, شنو يا جماعه البوست ما شكي عديل كده,,, اكتبوا اي شئي عن الاشلاق,, الجمعيه النادي فاتيما,, القصاص ,, الاسطبل ,, كوش الاشلاق,, الخ ,, لكم الود
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
معتصم يوسف كتب:كلامك صاح كلو بس انت ماذكرت إنو انا مهمتي تنتهي بعد أن أسلم كامل المبلغ والكراس الى قدورة والعمدة بيعملو شنو بعد داك أنا ماعارف أنا كنت بسيبهم وأمشي مسجد السوق عشان أحصل صلاة الظهر جماعة (وبس)
تمشى السوق ولا حلة فور ؟ وللذين لايعرفون حلة فور فهى احلى منتجع لأهالى الحصاحيصا وللذين يعرفونها فتلقائيا فهموا قصدى 0000
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: إشلاق دوت كوم....ishlag.com
اتمنى كما قال الاخ ميرغني ان نشارك جميعا في تنشيط البوست بالذكريات عن الاشلاق ،،،، وانا اعد الجميع بمساهمتي الفاعلة في هذا البوست من هنا وغادي ،،، وياشباب اتحركوا شوية 0
حامد ابراهيم عمر الزبيدي- صاحب نشيط
- عدد الرسائل : 99
تاريخ التسجيل : 26/05/2008
رد: إشلاق دوت كوم....ishlag.com
ميرغني ابراهيم عمر كتب:قال قدورة وهو ينفض يده اليسري من بقايا التمباك , بينما لسانه يحاول ان يوهط السفه خلف شفته السفلي , ممسكا بكيس التمباك تحت ابطه الايمن : تعرف يا النسيم اليوم الجماعه بيصرفوا الماهيه , امشي جيب ليك كراس وقلم من دكان حسب الرسول وتعال.
انهمك بعدها قدورة في اصلاح اكوام الليمون علي الخيشه المبلوله جيدا بالماء والموضوعه علي طاوله خشبيه,,, ولم ينتبه الا ومعتصم يوسف ومعه عماد الشفيع واقفون خلفه,,, وهم يحاولون تسطير الكراس وعمل عمودين رئيسيين احدهما للاسماء والاخر للمبلغ ,, نادي قدوره علي احد جيرانه من ابناء اربجي وطلب منه مراقبة بضاعت حتي حضوره ,,,قطعواالطريق من داخل سوق الخضار مرورا باجزخانة الحصاحيصا عن اليمين بينما تناثرت عن يسارهم مجموعه من النساء الفراشات يعرضن الخضار وبعضهن يعرض بعض المنتجات اليدويه المصنوعه من السعف والطين من اطباق وبروش وادوات قهوة,, قال معتصم مداعبا عمده: تعرف الشرغرغ يا عمده؟ واجاب عمده كالعاده : ارغرغ..... وضحك كلاهما وهم يعبرون امام الاكشاك المتراصه بمحاذاة السكه حديد بدأً بكشك ليمون بوكو ,, عزم عليهم قدوره ان اشربوا ليمونا باردا من بوكو ,, فلم يرفضا ويقبلا بل انثنيا الي كشك بوكو,,, قال قدوره: لبوكو ,, يا اخي ما عايز تنزل صورة كمال عبد الوهاب دي مالك؟ بتطفش الزباين !!! رد عمده قبل ان يرد بوكو: هو يا والله جايبه ليهو الزباين ,,,
قال معتصم وهم يعبرون خطوط السكه حديد متجهون الي المركز :,,, شوف يا عمده ماتقبلوا من الماعه ديل اقل من ريال ,, مش اي واحد يدينا باقي فكه نشيله,,,,
دخلوا المركز مرورا بمخزن البنزين والحمامات اولا ثم البلاغات وقبل ان يتجهوا الي الصراف ,, اوقفهم العم يوسف عمسيب { رحمه الله} ماشين وين الليله يا قدوره؟
اجاب قدوره : والله يا عم يوسف الشباب ما عندهم كوره ,, وقلنا نجي نلم تبرعاتنا من ابواتنا هنا.
: خلاص انتو الموضوع دا خلوهو علي اقعدوا هنا ارجوني .
فرك معتصم يديه مبتهجا ,, فبهذه الطريقه لن يتعرضوا الي حرج السؤال الي جميع افراد الشرطه فرادي وسيقوم العم عمسيب بابلاغ الصراف باقتطاع مبلغ معين من كل فرد وتسليمهم مجموع ما تم التحصل عليه.
التفت اليه قدوره : فرحان يا خاينه خايفه.
عمده: خاينه خايفه دي شنو كمان جديده دي؟
قدوره: خاينه خايفه تأكل متعايفه وترقد متسايفه
عمده : وقل ربي زدني علما
قطع عليهم الحديث العم يوسف ,,, وهو يحمل اليهم مبلغ من المال
شكرا يا عم يوسف
عم يوسف: ديل تعبانين يا اولادي مفروض يدوكم اكثر من كده,, شوفوا ديل ولو ما تمت ليكم تعالوا لي.
خرجوا من المركز ومعتصم وعمده لا يطيقان صبرا لمعرفة المبلغ الذي تم جمعه ,, بينما قدوره يطالبهم بالهدؤ والرزانه حتي يخرجوا من حرم المركز.
المشكلة نحن نتعب ونجمع القروش وبابكر بانقا يقوم يقدها 00وبالمناسبة يا مرغنى عليك الله القروش القاعدين نجمعها كانت كم ؟
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: إشلاق دوت كوم....ishlag.com
بالمناسبة يأخوان في شخصية ظريفة جدا" كتبها ميرغني ( فاطيما) انا بعرف انو الانسان دا كان ممرض وبيجي يتمرن معانا وكان شخص ظريف جدا"
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
الاخ/ معتصم زدنا عن فاتيما,,, والذي اعرفه انك تعرف عنه الكثير,,, لك الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
والله ياميرغني الذاكرة على وشك خلاص أنتهينا
معتصم يوسف- صاحب أخو
- عدد الرسائل : 240
تاريخ التسجيل : 05/01/2008
رد: إشلاق دوت كوم....ishlag.com
اخونا معتصم ,, لك التحيه ,, اكتب ما تذكره وسنحاول ان نكمل,, وايد لي ايد تجدع بعيد ,, ولا موهيك,, لك الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
السلام عليكم يا جماعة انا مشترك معالم اليوم اخوكم احمد
احمد محمد خليفه- صاحب جديد
- عدد الرسائل : 4
تاريخ التسجيل : 17/11/2008
رد: إشلاق دوت كوم....ishlag.com
ياود تراك موهبة فى الكمبيوتر ومرحب بيك ونحن فى الانظار ومستعدين لأى خدمة 0احمد محمد خليفه كتب:السلام عليكم يا جماعة انا مشترك معالم اليوم اخوكم احمد
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: إشلاق دوت كوم....ishlag.com
مرحب بود الخليفة حبابك عشرةاحمد محمد خليفه كتب:السلام عليكم يا جماعة انا مشترك معالم اليوم اخوكم احمد
الباقر احمد العباس- صاحب واعد
- عدد الرسائل : 43
تاريخ التسجيل : 19/05/2008
رد: إشلاق دوت كوم....ishlag.com
يا شباب اقترح ان ندور شوية في حكاية كلية الشرطة دى ،،،، ونخلى اخونا الباقر يحكى لينا من التقديم للمعاينات للكلية لاول ايام العمل بالشرطة ،،، واخونا ميرغنى وقف عند التمرين ،،، دايرين يا جماعة تفاصيل دار الرياضة والسينماء وكتل الحفلات الخ الخ ،،،،، كوامر انا عارف هنالك تفاصيل غير قابلة للنشر ،،، لكن انشروا لينا البتنشر ومتعونا شوية بقصص زمـــــــــــــــــــــــــــــــــــــــــــــــــــان
حامد ابراهيم عمر الزبيدي- صاحب نشيط
- عدد الرسائل : 99
تاريخ التسجيل : 26/05/2008
رد: إشلاق دوت كوم....ishlag.com
نثني علي اقتراح حامد الزبيدي ,, ويلا يا الباقر حدثنا عن تجربة كلية الشرطه,, لكم الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
المشكلة ياميرغنى الذكريات الطريفة كثيرة جدا لكن الواحد فى مرحلة متفدمة جدا من الزهايمرنسال الله ان تنتعش الذاكرة بعدما نضرب المرارة والكمونية مع الشيف معاوية بعد داك نجدع ليكم شوية شويةميرغني ابراهيم عمر كتب:نثني علي اقتراح حامد الزبيدي ,, ويلا يا الباقر حدثنا عن تجربة كلية الشرطه,, لكم الود.
الباقر احمد العباس- صاحب واعد
- عدد الرسائل : 43
تاريخ التسجيل : 19/05/2008
رد: إشلاق دوت كوم....ishlag.com
الاخ/ الباقر لسه بدري علي الزهايمر ,, وعلي فكره بيدك ان تخرج من موضوع الكبر دا زي الشعره من العجين لكن ناس عمده ما بريحوا ,, يقولوا ليك عامل فيها صغير,, ولو باريت عمده دا بوديك الترب.
ويعني يا الباقر نفهم من كده فتحتوا لينا ومعيدين مع معاويه ,, عموما كل سنه وانتو طيبين وفي انتظاركم ,,, لك الود
ويعني يا الباقر نفهم من كده فتحتوا لينا ومعيدين مع معاويه ,, عموما كل سنه وانتو طيبين وفي انتظاركم ,,, لك الود
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
كان حسين الراعي ,, يحتل جزأً هام من اهتمامنا,, شخصيته كانت غريبه لو تذكرون,, كان متجهما دوما" لربما لكثرة مداعبات الصغار له" كنت احس انه لا يحبنا, اي الصغار,,, كنتتراه يوميا وهو محتقبا السفروك تحت ابطه بينما تدلت من كتفه مخلاية دمورية,, لم يراها احد من الداخل ولكنها غالبا ما تحتوي علي زاد اليوم,,, كنت افكر كثيرا كيف يقضي حسين يومه ,, وهويبدأ بتجميع الغنم باديا من الميدان شرق حي العمده ,, مارا بالاحياء الجنوبيه وصولا للاشلاق كاخر محطات التجميع,, وفي مشواره من هناك حتي يتخطي الاشلاق يكون قد تلقي عشرات النداءات من المشاغبين ,, "؟؟؟؟فيا" لا ادري من اين اتت الكلمه ,, ولكن لابد ان يكون له مناسبه لانه بمجرد سماعها يقوم بالسب ثم الركض خلف من يقولها,, واذا لم يلحق به فان سفروكه كفيل باللحاق بقائلها.
في فسحة الفطور في احد الايام ما اذكر كنت مارا بجانب الروضه وحديفي طريقي الي منزل احمد العباس حيث يجتمع بعد الفطور عباس ابو لاحظ والسري وعماد يوسف وود العباس" واظنهم كانوا يفطرون سويا" ,, وكان هو في اخر الشارع قادما من منزل السر,,, واظن انه عبد المعبود,, كان معهم فتح الباب,, ونادي عليه بالاسم المعتاد,, وجري الي داخل منزل المرحوم احمد العباس,,, دخلت الي المنزل ووجدت باب الديوان مغلقا,, حدثتني نفسي بان حسين رآني داخلا بعد ان صاح عليه عبد المعبود,, ولذلك ساكون في نظره انا برئ,,, رغم ذلك حاولت فتح الباب,, لم استطع لان الجميع كان يقف خلف الباب
ويبدو انهم استعملوا ود العباس بدلا من الرتاج,, المهم انني ظننت خيرا,,, وم هي الا دقائق الا وحسين داخلا كالعاصفة من خلال الباب ووجدني في الحوش لوحدي ,, فاتاني ملوحا بسفروكه,, ايقنت انه لن يتركني ,, قمت بحساب المسافه للالتفاف حول الساتر الموجود بين حوش النسوان والرجال,, وكان مصنوعا من الحصير,, فوجدت ان الزمن لايكفيني,,,وبكل ذكاء قررت ان ادخل بين آخر عمود للصريف,, والحائط,, وليتني ما فعلت,, وجدت نفسي محشورا بين الشعبه والحائط وبين سفروك عمك حسين وسبابه المتواصل,, ولم ينقذني الا حضور الحاجة التومه الله يديها الصحه والعافيه ,, من حسين الراعي.
وهذي دعوه للكتابه عن الاشلاق ,, وانا ادري ان لكم الكثير,, وخصوصا اخونا الباقر فهو لا يخلو من خيال رائع وذاكره جيدهوقلم رائع ,, فبالله عليكم اكتبوا.
لكم الود.
في فسحة الفطور في احد الايام ما اذكر كنت مارا بجانب الروضه وحديفي طريقي الي منزل احمد العباس حيث يجتمع بعد الفطور عباس ابو لاحظ والسري وعماد يوسف وود العباس" واظنهم كانوا يفطرون سويا" ,, وكان هو في اخر الشارع قادما من منزل السر,,, واظن انه عبد المعبود,, كان معهم فتح الباب,, ونادي عليه بالاسم المعتاد,, وجري الي داخل منزل المرحوم احمد العباس,,, دخلت الي المنزل ووجدت باب الديوان مغلقا,, حدثتني نفسي بان حسين رآني داخلا بعد ان صاح عليه عبد المعبود,, ولذلك ساكون في نظره انا برئ,,, رغم ذلك حاولت فتح الباب,, لم استطع لان الجميع كان يقف خلف الباب
ويبدو انهم استعملوا ود العباس بدلا من الرتاج,, المهم انني ظننت خيرا,,, وم هي الا دقائق الا وحسين داخلا كالعاصفة من خلال الباب ووجدني في الحوش لوحدي ,, فاتاني ملوحا بسفروكه,, ايقنت انه لن يتركني ,, قمت بحساب المسافه للالتفاف حول الساتر الموجود بين حوش النسوان والرجال,, وكان مصنوعا من الحصير,, فوجدت ان الزمن لايكفيني,,,وبكل ذكاء قررت ان ادخل بين آخر عمود للصريف,, والحائط,, وليتني ما فعلت,, وجدت نفسي محشورا بين الشعبه والحائط وبين سفروك عمك حسين وسبابه المتواصل,, ولم ينقذني الا حضور الحاجة التومه الله يديها الصحه والعافيه ,, من حسين الراعي.
وهذي دعوه للكتابه عن الاشلاق ,, وانا ادري ان لكم الكثير,, وخصوصا اخونا الباقر فهو لا يخلو من خيال رائع وذاكره جيدهوقلم رائع ,, فبالله عليكم اكتبوا.
لكم الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
دردقنا ما نفع ,, صلحنا ما نفع ,, شنو يا اولاد الاشلاق ,, معقول يا عماد والباقر ولا تعليق علي حسين الراعي؟؟؟,, لكم الود.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
بصراحة انا واله لااذكر شيئا عن حسين دا لكن اتذكر فى راعى تانى اسمه تنقو صديق سيد موسى اتمنى يامرغنى ان تسعفنا باى شى عن هذا الشخص دا وسيد موسى كان يساله عن عتود يخصه كان يقول انا بعته من السوق بتمانى جنيه ادونى سبعة ونص مابعدته بلهجة اخوانا المسيرية
الباقر احمد العباس- صاحب واعد
- عدد الرسائل : 43
تاريخ التسجيل : 19/05/2008
رد: إشلاق دوت كوم....ishlag.com
يا جماعة الاشلاق ما بيموت بلاهي ما تقطعوا الخبر وخلونا نستمتع بالاشلاق وقصص الزمن الجميل
حامد ابراهيم عمر الزبيدي- صاحب نشيط
- عدد الرسائل : 99
تاريخ التسجيل : 26/05/2008
رد: إشلاق دوت كوم....ishlag.com
الاخ حامد,,, بركة الجيت ,,, انا متأكد ان في جعبتك الكثير عن الاشلاق ,,, يلا فضفض,,, في انتظارك.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
عندي فكرة بوست عاوز أسميهو(بوستات سادت ثم بادت){سرقة من حضارات سادت ثم بادت في "العربي" القديمة} ومن ضمنها إشلاق دوت كوم
شكلكم لحقتوه ...........عقبال الباقيات
شكلكم لحقتوه ...........عقبال الباقيات
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: إشلاق دوت كوم....ishlag.com
عمده,,, نمشي ؟؟؟؟
لم يتردد عمده لحظة: ايوة نمشي
كان ذلك الحديث بين الحصة الخامسة والسادسة في الفسحة بين الحصتين ,, الزمان مابين منتصف وآخر السبعينات ,,, المكان : مدرسة الحصاحيصا الحكومية{ القديمة الآن} وبجانب ميدان الباسكت تحديدا .
لا أدري لماذا كنا ننتظر الفسحة ؟؟؟ كنا بعد عودتنا من حصة الفطور نجلس خارج اسوار الفصول متنقلين بين ميدان الطائرة السلة والقدم.
أذكر جيدا عمده برداءه العتيق رمادي ليس كالرمادي الذي تعرفونه ,,, المهم هو رمادي ,, والقميص أفتح لونا ,, { لايمكن ان تضعه تحت اي مسمي آخر} او فلنقل لا لون له ,, كان عمده وقتها يمارس قمة المشاترة ,, فالزي الرسمي كان رداءا داكنا ومن فوقه قميصا افتح لونا { عمده مسك في حتة افتح دي ومافي زول بيقدر يقول ليهو انت غلط}
المهم انه كان مشروع متمرد ضاع في زحمة الغربة والعيال حيث انه تدجن باكراً.
المهم ان النمشي التي وردت في اول الصفحة كانت تعني الذهاب من المدرسة الي نادي البوليس ,, للعب الكوتشينة{ هكذا باكرا} كنا نمارس نوعا من التمرد والفوضوية لن تجدوا له معني أو قالب ,,, لا يمكن لكم ان تتصوروا ان العمده ,, بعد هذا الحديث مباشرة ادخل يده في جيب رداءه ليطمئن علي جوز الكوتشينة بالداخل,, ولكني أجزم بأنه قد فعلها ,, بعد أن أصلح وضع الطاقية علي رأسه وقلوزتها,,, نعم طاقية بالطاء فالألف فالقاف فالياء ثم التاء المربوطة ربطا جيدا,,, كان وقتها يشكو من داء يصيب فروة الرأس يسمي الثعلبة ,, والتي صعب علي الاطباء وقتها معالجتها,,{ ربما دون أدري ,,أو يدري أن ثعلبته هي من دفعني لدراسة الطب,, من يدري؟؟}
ولطاقية عمدة قصة تلح علي الآن لإتيانها:
جلس بجانبي علي الأرض في ظل داخلية بركات في منتصف يوم دراسي ,, أحد ابناء الداخلية ,,, وكنا نتحدث , حينما لاح من بعيد عماد وهو يمشي بين ميدان السلة والداخلية,, نظر إليه الطالب من بعيد طويلا ثم قال لي: تخيل أنو الزول دا أمبارح بس عرفت إنو طالب !!
ضحكت من داخلي ولكن لم يبدو علي وجهي شيئا من هذا طمعا في المزيد
: كنت قايلو شنو؟؟
: والله كنت قايلو من الطباخين .
لم أجبه ولكن ناديت علي عمده أن تعال,,, والطالب ينظر إليّ ثم إلي عمده وهو يتجه صوبنا,, دهشا وجلا مما سيحدث .
بادرت عمده قائلا: تعرف يا عمده الراجل دا كان قايلك شنو؟؟
كان قايلني شنو؟؟
كنت أحس ململة الطالب بجانبي ,,, مستمتعا بموقف الطرفين.
: تعرف يا عمده الراجل دا كان قايلك واحد من السفرجية.
لم تأخذ إجابة عمده سوي بضع ثواني: والله ليهو حق.
لم يلبث الرجل ثواني بجانبي ليهرول في أقرب سانحة بعيدا عن المجنونين.
ونلتقي.
لم يتردد عمده لحظة: ايوة نمشي
كان ذلك الحديث بين الحصة الخامسة والسادسة في الفسحة بين الحصتين ,, الزمان مابين منتصف وآخر السبعينات ,,, المكان : مدرسة الحصاحيصا الحكومية{ القديمة الآن} وبجانب ميدان الباسكت تحديدا .
لا أدري لماذا كنا ننتظر الفسحة ؟؟؟ كنا بعد عودتنا من حصة الفطور نجلس خارج اسوار الفصول متنقلين بين ميدان الطائرة السلة والقدم.
أذكر جيدا عمده برداءه العتيق رمادي ليس كالرمادي الذي تعرفونه ,,, المهم هو رمادي ,, والقميص أفتح لونا ,, { لايمكن ان تضعه تحت اي مسمي آخر} او فلنقل لا لون له ,, كان عمده وقتها يمارس قمة المشاترة ,, فالزي الرسمي كان رداءا داكنا ومن فوقه قميصا افتح لونا { عمده مسك في حتة افتح دي ومافي زول بيقدر يقول ليهو انت غلط}
المهم انه كان مشروع متمرد ضاع في زحمة الغربة والعيال حيث انه تدجن باكراً.
المهم ان النمشي التي وردت في اول الصفحة كانت تعني الذهاب من المدرسة الي نادي البوليس ,, للعب الكوتشينة{ هكذا باكرا} كنا نمارس نوعا من التمرد والفوضوية لن تجدوا له معني أو قالب ,,, لا يمكن لكم ان تتصوروا ان العمده ,, بعد هذا الحديث مباشرة ادخل يده في جيب رداءه ليطمئن علي جوز الكوتشينة بالداخل,, ولكني أجزم بأنه قد فعلها ,, بعد أن أصلح وضع الطاقية علي رأسه وقلوزتها,,, نعم طاقية بالطاء فالألف فالقاف فالياء ثم التاء المربوطة ربطا جيدا,,, كان وقتها يشكو من داء يصيب فروة الرأس يسمي الثعلبة ,, والتي صعب علي الاطباء وقتها معالجتها,,{ ربما دون أدري ,,أو يدري أن ثعلبته هي من دفعني لدراسة الطب,, من يدري؟؟}
ولطاقية عمدة قصة تلح علي الآن لإتيانها:
جلس بجانبي علي الأرض في ظل داخلية بركات في منتصف يوم دراسي ,, أحد ابناء الداخلية ,,, وكنا نتحدث , حينما لاح من بعيد عماد وهو يمشي بين ميدان السلة والداخلية,, نظر إليه الطالب من بعيد طويلا ثم قال لي: تخيل أنو الزول دا أمبارح بس عرفت إنو طالب !!
ضحكت من داخلي ولكن لم يبدو علي وجهي شيئا من هذا طمعا في المزيد
: كنت قايلو شنو؟؟
: والله كنت قايلو من الطباخين .
لم أجبه ولكن ناديت علي عمده أن تعال,,, والطالب ينظر إليّ ثم إلي عمده وهو يتجه صوبنا,, دهشا وجلا مما سيحدث .
بادرت عمده قائلا: تعرف يا عمده الراجل دا كان قايلك شنو؟؟
كان قايلني شنو؟؟
كنت أحس ململة الطالب بجانبي ,,, مستمتعا بموقف الطرفين.
: تعرف يا عمده الراجل دا كان قايلك واحد من السفرجية.
لم تأخذ إجابة عمده سوي بضع ثواني: والله ليهو حق.
لم يلبث الرجل ثواني بجانبي ليهرول في أقرب سانحة بعيدا عن المجنونين.
ونلتقي.
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
ياود الزبيدى سلام وياناس المنتدى سلام - الشوق ليكم بحر 0000
ويامرغنى لقيت ابوها مافى وقاعد تبرطع 0000
عموما جيناكم من الايام 0000
بس كدى نفضى ليكم 0000
ويامرغنى لقيت ابوها مافى وقاعد تبرطع 0000
عموما جيناكم من الايام 0000
بس كدى نفضى ليكم 0000
عماد الشفيع- ملك القفشات
- عدد الرسائل : 705
تاريخ التسجيل : 15/11/2007
رد: إشلاق دوت كوم....ishlag.com
العمدة حبابك ألف ومنور والله
راجينك تفضى........بس ما تطول
راجينك تفضى........بس ما تطول
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: إشلاق دوت كوم....ishlag.com
يا عمدة مشتاقين وحمدلله على السلامة
شايف ميرغنى آخر برطعة !!! بالمناسبة
الفضاء الاسفيرى والغربة شحذت همة ميرغنى
بالحكى الظريف !!! دايرين فنونك ، لانك عمدة المغتربين !!
شايف ميرغنى آخر برطعة !!! بالمناسبة
الفضاء الاسفيرى والغربة شحذت همة ميرغنى
بالحكى الظريف !!! دايرين فنونك ، لانك عمدة المغتربين !!
عاطف اسماعيل- صاحب نشيط
- عدد الرسائل : 77
الموقع : القاهرة / مصر
المهنة : معلم
الهواية : الاطلاع
تاريخ التسجيل : 23/12/2008
رد: إشلاق دوت كوم....ishlag.com
ولماذا سكت "عجايز" المنتدى عن الكلام المباح؟؟؟؟؟؟؟
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
رد: إشلاق دوت كوم....ishlag.com
توقعونا قريبا في إشلاق دوت كوم
قريــــــــــــــــــــــــــــــــــــــبا
قـــــــــــــــــــــــــــــــــريبا
قريــــــــــــــــــــــــــــــــــــــبا
قـــــــــــــــــــــــــــــــــريبا
ميرغني ابراهيم- المشرف العام
- عدد الرسائل : 4016
العمر : 63
الموقع : السعودية
المهنة : طبيب
الهواية : كرة القدم
تاريخ التسجيل : 04/11/2007
رد: إشلاق دوت كوم....ishlag.com
منتظريييييييييييين
بس ما تطولوا الغيبة
بس ما تطولوا الغيبة
هيثم على الشفيع- مشرف
- عدد الرسائل : 1910
العمر : 52
الموقع : ام درمان-الثورة
تاريخ التسجيل : 23/11/2007
صفحة 5 من اصل 5 • 1, 2, 3, 4, 5
أصحاب جد كوم :: اشكال والوان :: استراحة
صفحة 5 من اصل 5
صلاحيات هذا المنتدى:
لاتستطيع الرد على المواضيع في هذا المنتدى
الأحد فبراير 01, 2015 9:13 am من طرف عواد عمر
» الفنان رمضان حسن
الأحد مارس 09, 2014 11:33 am من طرف عواد عمر
» مذكرات بيل كلينتون
الخميس أكتوبر 17, 2013 9:42 pm من طرف الميزر
» صور اعجبتني
السبت يونيو 15, 2013 6:10 am من طرف فاطمة
» نكات اسحابي
الإثنين يونيو 03, 2013 1:34 am من طرف محمد الساهر
» أخطر 3 شهادات عن هروب مرسى من السجن
الخميس مايو 30, 2013 10:42 pm من طرف عازة
» من روائع الشاعر جمال بخيت
الخميس مايو 30, 2013 10:18 pm من طرف عازة
» إطلاق نــار على الفريق "سـامي عنان
الخميس مايو 02, 2013 9:00 am من طرف محمد الساهر
» عاجل..أبو تريكة فى العناية المركزة
الخميس مايو 02, 2013 8:33 am من طرف محمد الساهر
» وقفة مع البافاري : مشروع أفضل فريق يقطع الكرات
الخميس مايو 02, 2013 8:21 am من طرف محمد الساهر
» 10 أطعمة تعرضك للإصابة بمرض السرطان
الخميس مايو 02, 2013 5:18 am من طرف محمد الساهر
» أسهل وأحدث 10 طرق لإنقاص وزنك في أقل من 10 دقائق
الخميس مايو 02, 2013 1:39 am من طرف عازة
» القدرات النفسيه
الخميس مايو 02, 2013 1:11 am من طرف محمد الساهر
» تنمية قدرات العقل
الخميس مايو 02, 2013 1:08 am من طرف محمد الساهر
» مصر: تطبيق الحد الأقصى والأدنى للأجور في مايو
الخميس مايو 02, 2013 12:58 am من طرف محمد الساهر
» السجن مدى الحياة لـ"بن على" و10 لوزير داخليته
الخميس مايو 02, 2013 12:38 am من طرف سيدورف
» فتح النار على باسم يوسف لاستضافته مغنيا شاذا
الخميس مايو 02, 2013 12:32 am من طرف سيدورف
» مورينيو والريال.. قصة موت معلن؟
الخميس مايو 02, 2013 12:16 am من طرف سيدورف
» رئيس برشلونة يعترف بتفوق بايرن.. وفخور بلاعبيه
الخميس مايو 02, 2013 12:12 am من طرف سيدورف
» فساتين الزفاف
الثلاثاء أبريل 30, 2013 3:22 am من طرف عازة