رد: إشلاق دوت كوم....ishlag.com

من طرف معتصم يوسف السبت يناير 12, 2008 5:48 pm

لية يامعاوية مريت علي ناس بيت عمنا ساتي ( رحمة الله) سريع كدأ . فيصل ساتي (باشاتا) ( معتصم) ومحمد العكليتة في الكورة والضب وأخواتهم المحترمات الله يعطيهم العافية

من طرف معتصم يوسف السبت يناير 12, 2008 6:05 pm

ونسيتو ناس عمك عمسيب ( رحمة الله علية) والخالة الطيبة فاطمة عمسيب وبالمناسبة عملوا لينا أول بارتي في الاشلاق يوم جمال السر ( الرجل الذي كان يلبس كبابي في عينية) ماشي بلاد برة ( القاهرة) يقرأ هناك جينا وقعدنا شربنا الفرات وأكلنا الموز وشربنا الشاي ( وجمال كان قاعد عامل لينا فيها ماشي لوس انجلس)

من طرف عماد الشفيع الأحد يناير 13, 2008 8:26 am

بيت عمك ساتى الله يرحمه وزوجته فوزية واولادهم يا معتصم هم فيصل باشاتا + معتصم + محمد +بدرالدين قرموط ساتى +الطيب والبنات احلام وامال وابتسام والمرحومة الهام ( احلف قسم فى واحد غششنى والما عاجبو يشرب من البحر ) وكان على معتصم اتحداه كان يعرف عدد اسرتنا واسمائهم

البيت الاول سكنه المرحوم/ ساتي حمد وزوجته فوزية وابناءهم فيصل باشاتا { كان مدافعا صلبا, ومعتصم { كان حارس مرمي مميز ولاعب لا يشق له غبار في الكرة الطائرة} الان بالمنطقة الشرقية, محمد ساتي حمد الذي كان لاعب وسط والباقي تاميه غلاط ,, ولولا الدقيق في الطاحونة لصار لاعب احسن حالا, بدرالدين { قرموط ساتي} ثم الطيب. وبناتهم إحلام وآمال وابتسام والمرحومة الهام ثم اصغرهم احمد ساتي الذي اظنه الان قد تخرج في كلية الطب.
كانوا قوما لطفاء وطيبون جدا كما جميع اهل الاشلاق في تلك الفترة.
سكن اول بالمنزل الثاني المرحوم السر حسن نصر الله وهو كان زعيم الاشلاق وحلال المشاكل,, وزوجته فاطمة بت عثمان من اطيب خلق الله,, ابنهم الاكبر المرحوم / صلاح السر عمل كضابط للشرطة وكان رجلا طيب المعشر ودوود
ولا يخلو من مرح كان يلقب بود الكاو ,, والدنيا لا تاخذ الا الاخيار,,, ثم جمال السر وهولا يحتاج الا تعريف له ملح ونوادر سنتعرض لها ان كان في العمر بقية. ثم ياسر الكشة الذي يدعي انه لولا البقرة لاصبح من ابرز المهاجمين بالسودان
ثم خالد. البنات كن احسان وسمية وانتصار ,,, كان هناك مجموعة من الشباب تزورهم بانتظام من اهل البلد إختلطوا بابناء الاشلاق كثيرا{ يعقوب فقيري ذو الحديث الشايقي القح وقد اصبح طبيبا فيما بعد ,, حسان والذي اصبح طبيبا ايضا ويعقوب النحيف}
سكن هذا المنزل فيما بعد ال المرحوم يوسف عمسيب الشايقي المشلخ وزوجته فاطمه,التي اشتهرت بانها بصيرة تعالج الفكك,, وكان حينما يحضر اليها المصاب إن كان شابا,, تجلس بناتها معها لكيلا يبدي اي كان اي من علامات الجرسه وامها حليمة وابناءهم ضياء { اصبح حارس مرمي هلال الحصاحيصا} والطيب والفاضل,, وبناتهم حنان تعمل ببنك الادخار,, وفرحة ثم امتثال,,, وكانوا كغيرهم اناس طيبون مضيافون لهم التحية.
شوفوا لينا بعد كده بيت الضابط عشان نلف نرجع.

شنو يا جماعة صنيتو كلكم طيب ما دام موضوع المسابقة دا ما نافع اي واحد امسك اي بيت من طرف ويقول لينا عن اهله,,, من غير ترتيب,,,وانا حابدا ليكم بي المرحوم / ابراهيم محمد احمد,,,, كان يسكن في المنزل المجاور للمنزل الذي كان يسكنه ال / الهادي سليمان عليه الرحمة من الشمال ويواجه منزل ال الشيخ سلمان عليه الرحمة,,, كانت زوجته زينب وابناؤه مبارك{ الفحل} وعلي ومحمد ,, وبناته ليلي { عليها الرحمة} ودرية,,, كانوا ناس طيبين ومتداخلين مع اهل الاشلاق في الشينة السمحة ,,, سكن في هذا المنزل قبلهم العم صديق الماحي وزوجته فاطمة وابناءهم عصام رحمه الله وعماد والبنات جميلة وبديعه ورفيعه ,, وكان يسكن معهم ابن عمهم خالد الذي كان يعمل بالبوليس ودياب الذي كان يدرس بالثانوي ثم عمل بعدها بمحكمة الحصاحيصا ,,, واشتهر ال صديق الماحي جميعهم بقرض الشعر ,,, لهم التحية.
لوكان بي الايد كنت بقيت بالاشلاق والسودان الي اللحظة ولكن نسوي شنو؟؟؟
البلد الأبوك عمدوا وجفوك نظاروا
زي المتلي قاعد فوقوا شن أفكاروا
أولى الخترة فوق جملا تكب فقارو
ما خالقنا زول .. مولانا واسعة دياروا
,,,,,,,,,,,,,,,,,,,,,,,,,,,,,,,,,,,,,
والبلد اللي غير بلدك بتلقى مرارو
ما بسعد هناك فيه البفارق دارو
الزم للوطن مهما ظروفك جارو
اصلو البغترب دايما مولعه نارو
ولكم الود.

من طرف معتصم يوسف الأربعاء يناير 16, 2008 7:22 pm

والله ياميرغني ويالسخي الاذهان محفورة بكثير من بيوت الاجلاء لكن الذاكرة ضعفت وشوقي اليهم كتيييير لناس عمك داني ولي ناس ابوروضة وللعم الصديق محمد كمال الدين والمرحوم عمك السر واولادة ناس جمال وياريت تعود الايام ياقاسم وليد مستورة وللعم العزيز بشير ( الان خفير بمستشفى الحصاحيصا) أيــــــــــــــام مضت ياعم أحمد فداسي بس أجمل الايام ولن تعــــــــود

الاخ معتصم / قلت لينا كمية من البيوت ,,, بالله خلينا واحد واحد عشان نركز,,, الاخ محمد كمال الدين كان يسكن البيت الاخير في الصف التاني ,,,,, من البيوت القريبة من المدرسة الثانوية ,,, هذا المنزل كان يسكنه عمك كمال الدين والد محمد واستمروا بالسكن فيه بعد وفاته ,,, امه الرسالة واخوانه الماحي وصلاح واخواته نجاة ورشيدة وسامية,,, تزوج محمد كمال الدين وهو في هذا المنزل زوجته الحالية / شادية وله من الابناءصغار السن لا اذكر منهم غير خطاب وهواري,,, ومحمد كمال من الشخصيات التي كانت قريبة من الشباب بحكم سنه وكان مشجعا شديد الحماس لهلال الحصاحيصا,,, وهو رجل طيب المعشر واخو اخوان,,, وكل مايذكر محمد كمال الدين يذكر المرحوم/ السر مكي كان جاره في البيت الملاصق له,,, وكان مشجعا هلاليا وكان من اخيار الناس شابا في روحه وفي جسده,,, وكانا لا يفترقان البتة زوجته فاطمة الله يديها الصحة والعافية وابناؤه جمال ,جلال, عمار,,, والصغير لا اذكر اسمه,, وبنت واحدة ,, رشا,,, كانت تسكن معهم بنت اخيه او ما شابه,,, نادية وتم زواجها وهي بالاشلاق.ذكرهم الله كلهم بالخير. ولكم الود.

من طرف عماد الشفيع السبت يناير 19, 2008 3:07 pm

بيت عمك محجوب حسن وزوجته مريم واولاده نزار والله نسيت الاسماء الباقية وايضا بيت ناس عمك حسن الطاهر وزوجته بلالة وولدهم عوض وبناتهم محاسن ونور و0000 و000 وبنتهم الصغيرة كان عندها سكرى وايضا بيت ناس عمك شبو ( ابو النسب ) نسبو طاير ورطة ووقعنا فيها 000 ويا مرغنى جمال حسن الطيب قال فى بيت فيه اولاد هم عادل وصلاح و000 والبنات عايدة وسناء ديل ابوهم وامهم اسمهم منو وهم وين حاليا؟

من طرف عماد الشفيع السبت يناير 19, 2008 3:11 pm

يامرغنى حسب كلام جمال حسن الطيب فى واحد من الربع كان يسكن مع ناس السر حسن نصرالله ومتزوج ويدرس فى الثانوى العالى طبعا غير عبد المعبود سمين ولونه ابيض وقصير ده منو ؟0

من طرف عماد الشفيع الأحد يناير 20, 2008 2:55 pm

وين الليلة المدير لاجاوبت على استفساراتنا ولا صححت غلطاتنا( شليل وين راح اكلو التمساح شليل وينو اكلو الدودو ) قالوا جن وفقد المحنة وما قالوا على شقى ومجنون0000000000000 عيييييييييييييييييك ياناس الحلة العمدة00000000000

من طرف سلمى الشفيع الأحد يناير 20, 2008 4:58 pm

عمده سلامات شايفه المدير ما رد على استفسارك يعنى عامل مهم وللا شنو؟ما عامل فيها راع ومسئول عن رعيته بعد ده افتكر نقطعوا معاهو ونعزلوا عن منصبوا وللا رائك شنو؟

عماد الشفيع كتب:بيت عمك محجوب حسن وزوجته مريم واولاده نزار والله نسيت الاسماء الباقية وايضا بيت ناس عمك حسن الطاهر وزوجته بلالة وولدهم عوض وبناتهم محاسن ونور و0000 و000 وبنتهم الصغيرة كان عندها سكرى وايضا بيت ناس عمك شبو ( ابو النسب ) نسبو طاير ورطة ووقعنا فيها 000 ويا مرغنى جمال حسن الطيب قال فى بيت فيه اولاد هم عادل وصلاح و000 والبنات عايدة وسناء ديل ابوهم وامهم اسمهم منو وهم وين حاليا؟

الاخ عمده/ سلام ,,, يا اخي قلنا ليك ما تمسك لينا الحكاية من نصها,,, وخليناك تختار بيت تعرفه جيدا عشان تقول لينا ساكنين ووين واولادهم منو؟؟ يعني ممكن تنسي واحد او اتنين ,,, لكن ما ممكن تقول لي ناس هناي ,,, واولادهم ما عارفهم !!!!
العم حسن الطاهر وزوجته بلالة وبناتهم رقية كان متزوجها واحد شغال في البوليس اسمو جاه الرسول,, ونور ومحاسن وعلوية والصغيرةاماني ,,, اما اولادهم,, عوض وخالد,, واشتهرت العمة بلالة بالدندرمة حيث انهم كانوا من البيوت القلائل الذين يملكون ثلاجة,,, ام الذي يسأل عنه جمال فهو عمك بشري والد عادل وصلاح بشري ,, عادل كان دفعتين ورانا اما صلاح فهو الاصغر ,, سكنوا بالبيت الناصية حيث كان يسكن ال علي الشفيع اولا{ جنب الجمعية والروضة} ,,, لك الود.

عماد الشفيع كتب:يامرغنى حسب كلام جمال حسن الطيب فى واحد من الربع كان يسكن مع ناس السر حسن نصرالله ومتزوج ويدرس فى الثانوى العالى طبعا غير عبد المعبود سمين ولونه ابيض وقصير ده منو ؟0

المقصود اظنه يوسف العربي وكان يدرس بالشعبية الثانوية ,,, سكن اولا مع ناس عمك بانقا{ رحمه الله} وبعد رحيل عمك بانقا من الاشلاق واظنهم نقلوا للكمبو سكن مع ناس السر . له التحية.

عماد الشفيع كتب:وين الليلة المدير لاجاوبت على استفساراتنا ولا صححت غلطاتنا( شليل وين راح اكلو التمساح شليل وينو اكلو الدودو ) قالوا جن وفقد المحنة وما قالوا على شقى ومجنون0000000000000 عيييييييييييييييييك ياناس الحلة العمدة00000000000

غبت يومين متعمدا لاري ماذا سيحدث بالمنتدي ,, لانه لمدة يومين قبل غيابي دخلت الاخت سلمي مرتين والكل مسجل غياب ,,, شوف اخر مشاركة لهيثم ومعاوية ومعتصم يوسف وليك انت ,,, 48 ساعة كنت فيها وحدي ,,, اما عن هالة الزبيدي فحدث ولا حرج وبكري واياس يدخلون للمطالعة فقط دون ترك لاي اثر ,,, هذا المنتدي في بدايتو ومحتاج لجهود الكل اذا بتفتكروا انو يستمر,, لا بد من المواظبة ,,, اما اذت كان في راي تاني ,, اظننا لا نستطيع ان نغصب او نغضب احدا,, المهم بهذه الرؤية قررت ما ادخل واشوف البيحصل شنو؟؟؟؟ التحية للاخ هيثم فهو كان مواظب ولكن يكون وصل لنفس الراي ولذلك احتجب,,,وصدقوني انا الان المنتدي بالنسبة لي متنفس وزي القاعد مع الناس ولذلك ساواصل البيجي والما بيجي ودعناهو الله.

سلمى الشفيع كتب:عمده سلامات شايفه المدير ما رد على استفسارك يعنى عامل مهم وللا شنو؟ما عامل فيها راع ومسئول عن رعيته بعد ده افتكر نقطعوا معاهو ونعزلوا عن منصبوا وللا رائك شنو؟

اختنا سلمي / كيف حالك ,,, الاجابة عن سبب غيابي تجدينها في الرد علي عمده,,, اما بالنسبة لحكاية المدير دي ,,, ما عندكم مانع,,, بس ورونا منو ونديهو الباص ويرد,,,, تعرف اديت الباص ويرد لي هيثم ومن يومها طش طشه واحده ,, لي يومين الليلة ما عارفنو وين,,, وزيادة في اسباب غيابي ,, اشتكي احد الاعضاء من ان ناس المقل فلسوا بيهو{ المقال العامله فيها ما شفتيهو},, ولذلك قلنا نقلل النفقات,,, لك الود وللاخ الرشيد,,, وما تنقطعي ,,, مش حكاية الانفاق دي شرعا عليهم ولا شنو؟

من طرف عماد الشفيع الإثنين يناير 21, 2008 8:08 am

سعادتو والله ليك وحشة ومهما رضينا او ابينا ما بنستغنى عنك وانت عارف السبب ( ياسلمى دى حركات عشان سعادتو مايزعل ) المهم يامعلم انا يوميا بفتح المنتدى الأ يكون هناك عطل ما او انا اكون خارج المكتب وبالمناسبة والله المنتدى حرك فينا حاجات وزكريات جميلة وزى ماقلت خلانا متواصلين مع الجميع وانت بالذات ادرى بحالتى عليكم الله خلونا نهجد شوية ونقدر نتم الباقى لينا من ايام كان فى الدنيا ولا فى السعودية ولا تكسل يا سعادتو وخليك تحلم وبعدين القال ليك منو انو ياسر مرغنى حا يسمى ولدو مرغنى الا يحضرنا زمن هذا الجيل عليك الله يامرغنى احلم ليك حلم تانى 000000000

من طرف عماد الشفيع الإثنين يناير 21, 2008 8:11 am

بتا سلمى تحياتى ليك وللسيد بعلك وللصغير شنو ياسلمى راجلك ده عامل فيها مهندس غالبو يرسل لينا صورة الولد ولا مهندس مويه ساكت عليك الله الصورة عشان نشوف انتاجكم كيف ولسانكم كيف ؟؟؟؟

من طرف عماد الشفيع الإثنين يناير 21, 2008 8:26 am

سلمى / بخصوص مقاطعتنا للسيد المدير والله معاك حق لكن يازولة لا بندورو ولا بنتحمل غيرو عشان كده نعطيه فرصة وبعدين ياسلمى الزول ده احمق ( ما لعبتى معاه كوتشينة ) هو عامل لينا زى قدورة ابدية فى الكورة كان يأمرنا ويدقنا وكل شى وما بنقدر نقول حاجة لأنه هو البجيب الكورة وهو البيحجز الميدان وهو البخوف لينا اولاد الاحياء التانين عشان كده ما كنا نقدر نفتح خشمنا وزولنا ده زيه كان قلنا بقم ممكن يلخبط لينا المنتدى وبينى وبينك مافى زول يقوم بالمجهود القام بيه فخلينا على كده وزى ما رضينا بقدورة نرضى ب000000000 ؟

اخونا العمده / كيف حالك؟؟؟ يعني راضين بي علي مضض,,, كويس ما بطال ,, اهو البشير ليهو كم سنه قاعدين لينا علي مضض,, ما فرقت ,, وشايفك وقفت ,,, طيب اقترح ليكم بيت ,, كيف عمك يوسف محمد احمد,,, اتكلم لينا في كم سطر كده عن اسرته والناس الكان ساكنين معاهم والبزوروهم وكده.

من طرف عماد الشفيع الثلاثاء يناير 22, 2008 10:47 am

المرحوم عمك يوسف وامهم خديجة بت مدنى اولادهم صلاح / عماد / جمال / الجد وبناتهم 0000000 كان ساكن معاهم محمد الجمل ومدنى + واحد صاحب صلاح اظنه حاليا مهندس هنا بالسعودية وبس

العمدة / تاني كلفتنا,,,,
يوسف محمد احمد { الله يرحمه ويحسن اليه} كان يسكن واسرته المنزل المجاور
للروضة{ طبعا دي ناس عماد ما درسوا فيها}زوجته خديجة بت مدني وابناؤهم
صلاح , عماد , جمال, ومحمد احمد { الجد},, وبناتهم مها وسوسن ,,, كان يسكن
معهم محمد الجمل ,,, ومدني { كان يدرس بالشعبية} وكان دائم الزيارة اليهم
واستقر اخيرا بالحصاحيصا عبد العزيز الشهير بعزو,,, عمل بمصنع الصداقة
بالحصاحيصا وله طرف ونوادر.
طيب يا عماد حدثنا باسهاب عن آل الشيخ سلمان{ له الرحمة} .. لك ولهم كل الود

من طرف عماد الشفيع الخميس يناير 24, 2008 10:51 am

عمك الشيخ سلمان عليه الرحمة وامهم بقارة المرة الطيبة وطبعا الاولاد صلاح اول واحد فى الاشلاق اغترب + عادل + طارق+معاوية +خالد +عمر وبناتهم اقبال + اجلال + امتنان والكان ساكن معاهم استاذ عبدالمنعم +طارق اقبال اتزوجها عبد الله كان شغال فى مصنع الجنيد للسكر وعمهم عثمان سلمان ومعاوية اتزوج بنتو بيتهم فاتح على بيت ناس عمك ابراهيم محمد احمد ابو الفحل ويفصلهم من بيتكم شارع يا مرغنى وبالمناسبة دى معتصم يوسف العوض اختفى مالو ما انت المدير لازم تتفقد رعيتك زى ماقالت سلمى

من طرف معتصم يوسف الخميس يناير 24, 2008 7:18 pm

اليومين ديل ياسعادة المدير ياوليد بنت البسابير.............. أخوك مريض مرض شديد نزلة ووجع حلق وطبعا" ياميرغني حدث ولاحرج (سكري وضغط كمان) شوف الزمن بس اتمنى أكون كويس وأشارككم في شغلكم الجميل

اخونا عماد / حقو ما تضيع حقي ,, الم اطلب منك في اخر اتصال بيننا ان تتصل بمعتصم والسؤال عنه؟
الاخ معتصم سائلين عنك والله وافتقدناك ,,, وكفارة والف حمد لله علي السلامة,, ومزيد من التفاصيل علي التلفون ان شاء الله

اليوم ساتحدث عن بيت عمك يوسف العوض: عمك يوسف الله يديهو الصحة والعافية والوالدة بتول سكنوا في المنزل المجاور لال شبو والبيت دا علي فكره سكنوهو ناس عماد الشفيع لفترة,,,, ال يوسف العوض { من قنب الاسد} والدناقلة شرق مدني
اكبر ابناءهم / معتصم يوسف { فردة قديمة} كان يدرس بالحصاحيصا الشعبية واصحابه ناس اسامة ومحمد ود الممرضين ومرتضي ولفترة كان يصحبهم حسين مرتزقة { ابن اخ الزاكي} وكان يلعب حارس مرمي ,,, اما معتصم فكان مدافع لا يشق له غبار ,, وكان مفروض نسجل في الهلال سوا ,, ذهبنا الي نادي الهلال برفقة محمد كمال الدين والمرحوم السر في يوم شديد الغبار ,,, واذكر انه كان الوقت بعد المغرب ووقتها كان الفاضل سانتو قد رجع من الامارات وكان نادي النصر قد اقام له تكريما ودعا فريق ليفربول في مباراة كان ريعها لصالح الفاضل سانتو { 40 الف جنيه سوداني } ,,, ذكرت الفاضل سانتو لانو في نادي الهلال اجتمع بنا العم عكود ,, وقال لنا بالحرف الواحد قراية شنو وكلام فاضي بتاع شنو ,,أهو الفاضل سانتو جا راجع من الامارات بي عربية مازدا واربعين الف جنيه { وقتها كانت تساوي اربعمائة مليون بحساب اليوم ,,, المهم لم اسجل في الهلال وسافر معتصم للامارات ,,,, وياريت ياريت.
اختهم الكبري : امال تزوجت مبكرا من الاخ الفاضل : سليمان الماحي ,, له التحية من علي البعد. ثم نوال , واقبال , ماجدة واعتماد تزوجت من العزيز اخونا د/ سلام قوليب له التحية والاجلال,,, ثم غادة و الصغيرة رحاب ,
والابناء عوض يوسف,,, وهذا العوض قصة كبيرة في موضوع الكورة { لفترة كان لاعب الحصاحيصا الاول ولاعب النيل الاوحد... ثم التوأم معز ومعتز ,,, ثم ابو زيد ومحمد{ ابو جنقة} ,,, وهذه الاسرة سكنت اركويت الان ,, والله يديهم العافية جميعا.

من طرف عماد الشفيع السبت يناير 26, 2008 9:42 am

اخونا معتصم يديك الله الصحة والعافية والله مشتاقين وكفارة من ناحية المرض والله يامعتصم الحال من بعضه وخلاص بقينا اسكراب وقطع الغيار والله الا من التشليح ويا كافى البلا خلاص بقت الأدوية مباريانا وبينى وبينك الرجعة بقت ضرورية على الاقل كان متنا يبكونا صاح وما معقول نرجع ونضع الكراسى قدام الباب ده اذا كان فى باب الناس نزلت المعاش وارتاحوا ونحن نفكر وعايزن نبدأ يا دوووووووووووووووب الله يكون فى عون الجميع تحياتى الى امال وزوجها سليمان الماحى وما قالوا رجعوا وعملو مدينة ملاهى ولا دى اشاعة وبالمناسبة عوض وين واخبار نوال شنو طبعا ديل البنعرفن

الاخ عماد/ شايفك اكتفيت بالتعليق فقط ,,, يا اخي ما تجادعنا يوم ليك ويوم لي ,,, طيب انا بقترح ليك بيت مفروض تكون عارفو ,,, وهو آل المرحوم : محمد احمد شبو.,,, وذكرياتك معاهم ,,,, لك الود.

من طرف عماد الشفيع الإثنين يناير 28, 2008 8:12 am

الله يرحمو عمك شبو وطبعا مدامو فاطمة شبو الأولاد طبعا كبيرهم محمد وكان فى الشرطة ثم ابو النسب جنابو المرفود عبد المنعم + جنابو صلاح وهسع نزل المعاش + الصعيلق حسين البنات الكبيرة اسمها ستنا + عواطف +المرحومة بثينة + فائزة + منى بيتهم كان طرف جنب بيت ناس معتصم يوسف العوض وبالمناسبة انا سكنت معاهم فترة وكان مكرهنا عمك شبو بحمام الصباح زى الدينكا تلقانا انا ومنعم وصلاح شايلين صابون العدة ومتوجهين الى حمامات العنابر حقت العزابة طبعا لابشاكير ولا يحزنون صيفا كان او شتاء وكان مشتهر صلاح تلب بلم ابقرشينات وكل يوم ينزلهم ويعدهم والغريبة انا ومنعم نعاين ليهم فقط ولم يتجرأ واحد بأخذ مليم واحد والسبب انو كنا بنخاف من صلاح 0 تانى ماعارف لى واحد سكن معاهم ولا كان بيجيهم ( ياربى كانوا مقطوعين من شجرة )

الاخ / عماد,,, شكرا لتقديمك آل شبو,,, وهذه المرة كاملا’’’ ولكن اريد افرد اليوم للاخ الصديق: عبد المنعم شبو,,, ولانو عارفو ما حيقرأ الكلام دا حأخد راحتي,,, منعم شبو شخص طيب القلب , لماح , نقي السريرة عفوي تخرج الطرفة منه بعفوية خالصة ,, وهو شخص ذكي بالفطرة,,, ولكن لم يوجه هذه المقدرات جيدا,,, وانا بي الجد بعتبر شبو من ذوي المقدرات المهدرة او الضائعة,,,,اي انه لم يحسن توجيه مقدراتو ومواهبو الكثيرة
lost talent
وله طرف ونوادر كثيرة,, طبعا هو اعسر وكان يلعب كجناح ايسر{لا بيهو ولا عليهو},, كان يقول عنه عزو: شبو يرفع ليك يدو في الجناح يعني انا حأرفعها فوق للمهاجمين ,, ويجيبها ليك بي الواطة تتشلوط.كان عازفا ماهرا لآلة العود,,, ومغني بارع ومتيم باغاني عثمان الشفيع وهو بعد غض يافع,,, نتمني ان يشاركنا بالمنتدي واكيد ستكون مشاراكته حدث,, له ولكم الود

أووووووووووووول حاجة أنا لاقدركم ولا قريت معاكم
وإن كنت سكنت في الإشلاق موضوع هذا البوست ولي معه ذكريات تخص (عوض التس ، وعوض الكريم مالك - الله يرحمو - ، وكانوا جيرانا الذين أتذكرهم جيدا ولم تشيروا أنت اليهم في كتاباتكم (عمنا ابراهيم حسن وزوجته علوية الدنقلاوية وأولادهم الفاتح -الله يرحمو - ومن البنات دفعتي في الروضة ابتسام وأصغر مننا رحاب ...والباقين نسيتهم) ...وأيضاً عمنا مالك مصطفى وزوجته فاطنة مالك...وكلكم يعرف محمد ومصطفى وحياة
لكن الجابني لي حوش العجايز دة شنووووو؟؟
جيت عشان أضيف شهادة حق في أخونا شبو ...وهو أيضاً رسام ماهر وله حس فني عالي
ولو استطاع اللحاق بركب العولمة وأصبح عضواً بهذا المنتدى لطلبنا من المدير العام تخصيص جناح للوحاته
وبرررررضو كلامي دة زي ميرغني عشان ضامنو مابقراهو
نسيت أقول :شبو بحب عثمان حسين ربما أكثر من عثمان الشفيع

شوف يا هيثم,,, ما تعمل لينا فيها صغير وبتاع!!!!!! اول حاجة يا هيثم لما انت كنت بتلعب شطرنج نحن كانوا بيونسونا بيهو,,, والقال ليك منو ما جبنا سيرة عوض التس ,,, ارجع للخلف,,, وبي المناسبةعوض التس فرقو من عماد سنتين,,, يعني منك انت سنتين برضو!!!اما عن آل مالك فسياتي الحديث عنهم لاحقا وكذلك ابراهيم حسن { لوبا},,, لو لاحظت يا هيثم انا قلت عن شبو انه كان متيما بعثمان الشفيع وهو بعد غض,,, اما عثمان حسين الجا بعد الكرمشة والعفيص دا لم اسمع به الا منك{ يكون داسيهو مننا لانو عثمان حسين دا وقتها كان فنان المنكوبين,,, والمشوكشين والبؤساء},,, واشكرك كثيرا لاضافة موضوع الرسم ,,, لانو سقط سهوا,, وهو واحدة من المواهب التي يتميز بها اخونا شبو,,,, ويخطر بالبال الاخ الاستاذ فاروق ابو زيد ايضا كان رساما,,,
انت ملاحظ انو منعم دا اديناهو اكثر من حقو كتير,,, وبعد دا اقول ليكم يا آل الشفيع غلطتو في حق البت,,,, لكم الود جميعا.

من طرف معتصم يوسف الجمعة فبراير 01, 2008 10:02 am

شنو ياسعادة المدير ليه ماذكرتو في بيت ناس عمك شبو علية (رحمة الله) موضوع التاكسي الكونسل التاكسي الذى شكى وبكى من غسيل صلاح تلب الذي كان يهو التاكسي أكثر من ان يلعب معنا الكورة واخوة منعم أكتر جناح لفت في العالم أضاع أقووان والذي علم أولاد البوليس سف السعوط

من طرف معتصم يوسف الجمعة فبراير 01, 2008 10:04 am

عمدة ماتشوف لينا بيت ناس عمك الذبيدي ولا نسيت شراب شاي اللبن وملاح الرووب

من طرف معتصم يوسف الجمعة فبراير 01, 2008 10:08 am

انا طبعا" ياهيثم ياولد عم علي أظني كنت معاكم في الروضة صاح . عليك الله كلم عمدة والمدير بذلك هم قايليين انا قدرهم

من طرف معتصم يوسف الجمعة فبراير 01, 2008 10:11 am

ياسعادة المدير عاوزيين نشوف مشاركات منعم وابوعبيدة والباقر واولاد الشيخ وجنكل وعماد (الخيمة) وبقية الاشلاقييين

سلامات أخونا معتصم وحمدلله على السلامة
ياخوي ماتلخبط ساي بتكون قريت الروضة مع ياسر الشفيع - الله يرحمو - ما أنا
ميرغني:
لخطأ في علامات الترقيم فهمت كلامي إنكم ماجبتو سيرة عوض التس وأنا قصدت آل ابراهيم حسن وآل مالك مصطفى ، بعدين أنا قلت ليك ذكريات تخص عوض التس ...ماقلت ليك قريت معاو ولا لعبت معاو ...أما موضوع الشطرنج دة فيدل-ببســــــــــــــــــــــــــــــــــــــــــــــــــــــــــــــــــــــــــــــــــــــاطة - على أني سابق لزماني.
بس

هيثم على الشفيع كتب:
{سلامات أخونا معتصم وحمدلله على السلامة
ياخوي ماتلخبط ساي بتكون قريت الروضة مع ياسر الشفيع - الله يرحمو - ما أنا}

هيثم يا ود يا برئ معتصم يوسف دا يا سيد قرأ خلوة الفكي ابراهيم بقرية قنب الاسد ,,, ثم دخل المدرسة الاولية وقتها,,, وعمره 9 سنوات ,,, وتعثر فيها وفي الثانوية العامة وفي الثانوي العالي ,,, وبعد دا جا امتحن مع ناس العمدة سنة 1979’’’ يكون لاقي ياسر وين { الله يرحمه}؟

معتصم يوسف كتب:
{ياسعادة المدير عاوزيين نشوف مشاركات منعم وابوعبيدة والباقر واولاد الشيخ وجنكل وعماد (الخيمة) وبقية الاشلاقييين}

شوف يا معتصم ,,,, شبو دا كان دخل الدنيا دي حيبدع عديل ,,, لكن قالوا قاعد في مكان رادي ما فيهو { الشعيبة} علي ذمة عماد,,,, ابو عبيدة اصبح رجل اعمال ووقت ملئ بالصفقات وما إلي ذلك.
الباقر : برضو لو دخل المنتدي ,,, حيأكل الجو كلو ,, وونسة وقرقراب دي حتكون حقتو عديل ,,, بس عايز ليهو كشكشة من عماد شوية.

من طرف عماد الشفيع الإثنين فبراير 04, 2008 9:11 am

ياناس سلام معتصم ليك وحشة حمدلله على السلامة وعليك الله ماتنقطع لأن انقطاعك بنكون انا ومرغنى رأس ( عجائز المنتدى ) طبعا مرغنى مابيعجبه الكلام ده لأنه متشبب وبينى وبينك مرغنى محافظ لكن يامعتصم الفنانات الكبار لمن يعمل عملية شد للوجه الرقبة قاعدة تفضحهن مرغنى متشبب ويلبس فى الفنايل الكط بس بتعرفه كبير لمن تلعب معاه كوتشية يرجف من فوق لى تحت ودى من علامات الكبر اجارك الله اما انت طبعا من الوصف القلته صلعتك وصلت 000 ( كرشك كيف )اما انا اجارك الله تقول عمرى وصل 50 سنة كرش والشنب والدقن بيض وكيس الدواء بقى ملازمنى والمواضيع الاخرى حدث ولا حرج وشغالين ب0000( البنطال) 000 وبالمناسبة يامرغنى ومعتصم اى موضوع يكتب عن شبو قاعد اقرأه له بالتلفون ( معقول نبطل ال0000) والايام دى قاعد اكشكش فى الباجورى زولك ماعنده مانع بس مصيبته مابيعرف يخش فى النت وتعليم الزول الكبير صعب (مش كده يامرغنى)علما بأنه عنده الجهاز فى المكتب والنت موصل لديه ( واحد من حجر الطير وعسكرى راجين منو شنو) اما بخصوص اخونا الصغير هيثم الشفيع فشكرا لتكرمك بدخول منتدى العجايز وانا اشهد انك صغير وبعدين حرام عليك ياهيثم معتصم شنو الكان دفعة ياسر الله يرحمو والله كان ما اخاف الكضب بينو وبين قدورة سنة ولا سنتين 0000 تحياتى للجميع 00000

من طرف سلمى الشفيع الإثنين فبراير 04, 2008 12:48 pm

سلااااامات يا شيوخ المنتدى.حمدلله على السلامه الاخ معتصم ومبروك على الوسام يا عمده.اوعى ياعمده يكون وسامك ده رشوه من المدير داير يسكتك بيهو عن موضوع عزلو من الاداره ماتمشى فيك الحكايه دى خليك مفتح..لكما تحياتى

من طرف عماد الشفيع الثلاثاء فبراير 05, 2008 7:56 am

سلمى تحياتى وييييييييييييييييييينك ليك زمن لاحس ولا خبر شكرا على التهنئة يظهر الهرشة جابت نتيجة

من طرف عماد الشفيع الثلاثاء فبراير 05, 2008 8:15 am

الأعزاء / معاوية وهيثم الشفيع سؤال برئ اين الرشيد ومحمد اولاد الضقالة ودحين حرم الفنانة الجديدة ما اختهم ؟؟؟

من طرف عماد الشفيع الثلاثاء فبراير 05, 2008 8:19 am

يا معتصم عامل لينا فيها حافظ الاشلاق وبيوتو اكتب لينا عن بيت ناس عمك حسن الطيب وعشان اقرب ليك المسافة ابو ناس ابوعبيدة و0000 وجمال وكان نجحت فى السرد لك جائزة قيمة 0

عماد الشفيع كتب:الأعزاء / معاوية وهيثم الشفيع سؤال برئ اين الرشيد ومحمد اولاد الضقالة ودحين حرم الفنانة الجديدة ما اختهم ؟؟؟

يااااااااا عمدة ..حبابك
ياخوي أنا صغييييييييييييييييييير وجاهل.......عليه.... لمن معاوية يرجع من الفلبين-باذن الله- يجاوب سؤالك دة لأنو بالنسبة لي أنا دة سؤال خارج المقرر
والسؤال التاني .....شرحو

عماد الشفيع كتب:ياناس سلام معتصم ليك وحشة حمدلله على السلامة وعليك الله ماتنقطع لأن انقطاعك بنكون انا ومرغنى رأس ( عجائز المنتدى ) طبعا مرغنى مابيعجبه الكلام ده لأنه متشبب وبينى وبينك مرغنى محافظ لكن يامعتصم الفنانات الكبار لمن يعمل عملية شد للوجه الرقبة قاعدة تفضحهن مرغنى متشبب ويلبس فى الفنايل الكط بس بتعرفه كبير لمن تلعب معاه كوتشية يرجف من فوق لى تحت ودى من علامات الكبر اجارك الله (

طبعا يا عمدة لو انا كنت عارف موضوع الفنايل الكت دي بتعقد ما كنت لبستها,,,, واخوكم صغير وجاهل ,,, وبعدين شنو حكاية التقول حصلنا الخمسين دي! ال50 يا اخوي جيتها ترس,, واحسب معاي ,, امتحنت الشهادة الثانوية سنه 1980 وكان عمرك عشرين { ما تاكلني متذكر سنتك بتاعة المعيلق } ,, يعني عازة بتي بتحسبها 48 سنه علي اقل تقدير ,,,, كفاك.

عماد الشفيع كتب:الأعزاء / معاوية وهيثم الشفيع سؤال برئ اين الرشيد ومحمد اولاد الضقالة ودحين حرم الفنانة الجديدة ما اختهم ؟؟؟

عماد / حرم الضقالة اسمها حرم النو ,,,, والرشيد ومحمد ابوهم عمك ميرغني الضقالي كان غفير في مدرسة البنات الثانوية ,,, محمد الصغير : ذهب للدراسة بمصر ولم التقيه قريبا ,,, اما الرشيد فقد التقيته في جوبا في منتصف الثمانينات وكان يعمل بالجيش وكان دائما ما يحضر لي بالجامعه ولم ينس العشرة ,,,, طبعا هو اكبر من ناس ياسر كتير لكن كان دفعته في الفصل ,,, ووقتها كان يلعب حارسا لمنتخب الاشلاق للكبار,,, عندهم اخو اكبر منهم اسمو عبد القادر ,,,,,, حاقول ليك حاجة ما حتصدقها : قبل شهر اتوفي ابو ناس سيف الدين واستاذ سعد التوم ,,, عمك التوم سعد بتاع البصل وقد قمت بالتصال بالاستاذ/ سعد وسيف الدين للتعزية .

سلمى الشفيع كتب:سلااااامات يا شيوخ المنتدى.حمدلله على السلامه الاخ معتصم ومبروك على الوسام يا عمده.اوعى ياعمده يكون وسامك ده رشوه من المدير داير يسكتك بيهو عن موضوع عزلو من الاداره ماتمشى فيك الحكايه دى خليك مفتح..لكما تحياتى

اهلا بيك سلمي ,,,, افتقدناك في الفترة الاخيرة كثيرا ,,,, ولكن جييتنا راجعه ,, ياكي ذاتك ,, ما عندك شغله بلا المدير ,,, اما الوسام فالاخ عماد هو اكثر المتداخلين ودائم الحضور يوميا ولذلك استحق الوسام حسابيا وكيفا.,,,, ما تنقطعي.. لك الود.

هيثم على الشفيع كتب:
عماد الشفيع كتب:الأعزاء / معاوية وهيثم الشفيع سؤال برئ اين الرشيد ومحمد اولاد الضقالة ودحين حرم الفنانة الجديدة ما اختهم ؟؟؟
يااااااااا عمدة ..حبابك
ياخوي أنا صغييييييييييييييييييير وجاهل.......عليه.... لمن معاوية يرجع من الفلبين-باذن الله- يجاوب سؤالك دة لأنو بالنسبة لي أنا دة سؤال خارج المقرر
والسؤال التاني .....شرحو

مرحب بيك يا هيثم ,,, قد قمنا بالاجابة عن السؤال نيابة عن معاوية ,,,,, الذي قد يملك المزيد ,,, سيضيفه لاحقا. لك الود.

من طرف عماد الشفيع الأربعاء فبراير 06, 2008 8:19 am

مرغنى انت حاكى عمرى لمن جاب الدم مالك وبعدين متعب نفسك لى شنو ممكن تختصر المسافة وتقول نحن قدر بعض وتلقائيا الواحد ما ممكن ينسى نفسه

عماد الشفيع ,,, أنت الجابك لينا شنو,,, ؟ ونحن صغار كنا بنعاين ليكم كغدوة لينا ,,, وليتكم لم تكونوا غدوة ,,,, ما تصغر نفسك معانا يا عماد,, وشوف ناس جمال السر وقدورة بتاعنك وين...

يا اخوي معتصم سألتوا عن ناس عمك المرحوم حسن الطيب ولبد ,,, وعشان نحلوا من الحرج اليك الاسرة.

اسرة المرحوم : حسن الطيب ,,, وزوجته / بخيتة بت طابت ,,, وابناؤهم حسب العمر/ ابوعبيدة حسن الطيب وله نوادر وملح كثيرة ,, وبدر الدين { دفعة في الثانوي العام } في ب
كان الفتنا في الفصل,,, وجمال حسن الطيب ,, الذي تخصص في إثارة غضبي منذ الثانوية وحتي اليوم { الله يعين مرتو عليه} ,, عبد الجبار واظنه الان بالمدينة المنورة , وليد, ثم الطيب .
واخواتهم / منازل الكبيرة ,, والتي ذهبنا ايام زواجها الي طابت ولعبنا ضد منتخب طابت,, ثم مشاعر ,,, ارتبطت بهذه الاسرة خلال اقامتهم بالاشلاق لعلاقتي الوثيقة بالاخ بدر الدين,, ثم خلال فترة عملي بمدينة طابت ,, لهم الود والاحترام .

من طرف هالة الزبيدي الإثنين فبراير 11, 2008 7:45 am

اولا لك التحية مرغني الزبيدي
وربنا يديك العافية والله انا في ناس ما متزكراهم ما تقول عاملة فيها صغيرة
بعدين هيثم الشفيع ناكر عوض التس مالو انا عندي دليل بالصور انو عوض التس قرا معاكم وبقول قرا معاكم لاني في الصورة كانت شايلنى ماما دولة يعني عمر سنة كدة

الاخت هالة/ مرحبا بعودتك ,,,, ويستاهل هيثم لانو العضو الوحيد الكان بيسالك عنك ,,, فتشي في خشم الباب ,,,
بعدين الزول دا ما نكر عوض التس ,, ما تبهتيهوا ساكت ,,, الزول دا قال هو دفعة عوض التس .
مرحبا بعودتك الي المنتدي وما تنقطعي .

ميرغني ابراهيم عمر كتب:
بعدين الزول دا ما نكر عوض التس ,, ما تبهتيهوا ساكت ,,, الزول دا قال هو دفعة عوض التس .
.

هوووووووووووووي أولاد الزبيدي
ماتقولوني كلام أنا ماقلتو ...........بعدين لو عاوزين تطلعوني كبير أنا ماعندي مانع بس تعالو نحسبا سوا ونطلع الكبار كلهم:
إنت ياميرغني قلت عوض التس فرقو من عمدة سنتين وهالة أختك بتقول عندها صورة ليها وهي عمرها سنة مع عوض التس {وبافتراض إنو أكبر زول في الروضة بيكون عمرو 6 سنوات....فده معناهو إنو هالة فرقها من العمدة 7سنة يعني حالياً عمرها بالميييييييييييييييييييييييييييييييت كدة 42 سنة}

هيثم على الشفيع كتب:
ميرغني ابراهيم عمر كتب:
بعدين الزول دا ما نكر عوض التس ,, ما تبهتيهوا ساكت ,,, الزول دا قال هو دفعة عوض التس .
.
هوووووووووووووي أولاد الزبيدي
ماتقولوني كلام أنا ماقلتو ...........بعدين لو عاوزين تطلعوني كبير أنا ماعندي مانع بس تعالو نحسبا سوا ونطلع الكبار كلهم:
إنت ياميرغني قلت عوض التس فرقو من عمدة سنتين وهالة أختك بتقول عندها صورة ليها وهي عمرها سنة مع عوض التس {وبافتراض إنو أكبر زول في الروضة بيكون عمرو 6 سنوات....فده معناهو إنو هالة فرقها من العمدة 7سنة يعني حالياً عمرها بالميييييييييييييييييييييييييييييييت كدة 42 سنة}

والله ياهيثم بحساب سنين الزمن السبعة سنين زاتهم كتار ما تنقصهم شوية

الاخ هيثم / اين انت من كل هذه الحسابات ؟ لو فرضنا جدلا بانها صحيحة ,,, ووين فرقك بتاع السنتين يا هيثم من عماد ,,,,, بالمناسبة عماد بقي زي عمود النور في الحي ,,, الناس تحسب وتحسب وتجيهو,,, عشان كده انا بقترح انو اي عضو في المنتدي يكون عمره بالتاريخ العمادي يعني مثلا عوض التس سنتين بعد عماد يكون 2.ب.ع وهكذا.
لكم الود.

يا اخوانا اسمحو لي الحكاية بعد دخلتني في الاربعينات انا بسحب اقوالي اصلا الكان في الصورة عمر الزبيدي لانو انا ما كان ولدوني لسة بعدين القال منو زمان اكبر زول في الروضة عمرو 6 سنة

ميرغني ابراهيم عمر كتب:الاخ هيثم / اين انت من كل هذه الحسابات ؟ لو فرضنا جدلا بانها صحيحة ,,, ووين فرقك بتاع السنتين يا هيثم من عماد
لكم الود.

أتعب شوية وأرجع للتعليق (انا ماعندي مانع تطلعوني كبير) وبنفس الحسابات انا فرقي من عوض التس سنة واحدة يعني من عماد 3 يعني عمري 47 مواااااااااااااااااااااااااااااافق
وياهالة المدرسة كانت بتقبل 7 سنوات يعني سقف الروضة " النظري" 6 سنة....وبعد سحبت أقوالك قبلنا الجرسة ورجعناك صغيرة وجاهلة .....البقنع بعلك وأولادك شنو؟؟؟