رد: مسطبة شعبية

والدف ,,, الدف ,, واحد لف

مسطبة شعبية - صفحة 6 11_

اسبانيا ,,, اسبانيا

مسطبة شعبية - صفحة 6 8_

الله يستر ,, الشفع ديل يقوموا ارموني ,,, بي مويه وكملت,, يحلنا الحلّ الحلّ بله ,, نزلونا خلاص كاس وشلناها

مسطبة شعبية - صفحة 6 10_

معليش يا شفايني .. برضو الكاس ما فات بعيد مننا وفينا

مسطبة شعبية - صفحة 6 4_

من طرف مدثر الجاهوري الإثنين يونيو 30, 2008 7:51 am

يا ميرغني الفرق 16 فريق مليت البوست بألمانيا وعملت لينا فيها فولر .. أسبانيا شالت الكأس عملت لينا فيها كازياس .. يأخوي المبارة النهائية بين أسبانيا وألمانيا فإما تشجع الألمان أو الأسبان لكن تشجع الفريقين ده كيف .. تعرف أنت جواك زعلان لكن عامل فيها مبسوط عجبتني للألمان كورتم مسيخة وبايخه لكن راموس عجبني أمس وعمل البدع .. هاردلك ميرغني ومن معه وراحت عليكم

بعدين ياميرغني زي سواتك دي قالو ليك غالبانا؟؟؟

ما بنقول نحن بنشجع الهلال والمريخ عشان الإتنين سودانيين ، واي واحد يغلب التاني نحن معاهو

قوم بلا ألمانيا بلا تسميع

من طرف عصام الشفيع الثلاثاء يوليو 01, 2008 8:25 am

والله يامرغني ان من زمان بقرأ وساكت وعامل نايم ، لكن الواحد بيشجع فريقين دي ما قدرت ابلعا ، رغم احترامي لك ولذوقك الكروي ومتابعتك الجميلة ومشاركاتك الممتعة بس احسن المرة دي تعترف للجماعة (( صاحب بالين كضاب ) و ( ركّاب سرجين وقيع ).والمانيا ما تستاهل منك تملطش نفسك للورعان .

يا مرغنى الجماعة ديل ما لقوا زول يشمتوا فيهو..قالوا يتفشوا فيك...لكن انت عملتها ظاهرة..التشجيع فريق واحد فى كل بلد..وبلد واحد فى كل قارة..وبعد داك الباقى ببقى عدو عدوى صديقى..بعدين خلونا نتفق مع العالم كلو انو دى اول مرة كرة القدم تدى البستاهل بى لعبوا طبعا..ولو كانت كده دايما لما شالوا الجماعة9كاسات

ميرغني ابراهيم عمر كتب:الاخ هيثم ,,, تحيه ,,,ترتيب الفرق التي اشجعها كالاتي :
المانيا
اسبانيا
البرتغال
اما الترشيحات:
ايطاليا
كرواتيا
المانيا
البرتغال .

ورينا كمان بتشجع منو وبترشح منو؟
وربنا يهدي الباقين يخشوا... لك الود.

نحن ما بنقول كلام ساكت اليكم الرد في االرد الذي كتبته سابقا ولم يعترض احد ,,, طبعا انا ما ممكن اشجع البرازيل ضد السودان ,,, حاشجع السودان ,,, لكن يبقي المرشح للفوز هو البرازيل . الفهم فهم والما عايز يفهم ,, يفتح ليهو مكتب زي بتاع مدثر الجاهوري { يغالطك في ظلك}

هيثم على الشفيع كتب:
ميرغني ابراهيم عمر كتب:

ماذا عن برتغالي واسبانيتي ,, صنيتو مالكم؟

اما عن ايطاليتي ,, حترش ليكم فرنستكم ونشوف

البرتغال آخوي نفسا قصير وكان بااااااااااااااااااالغو بيصلو ليك الأربعة

الإسبان بنحبهم معاك والطليان كذلك

وفرنسا أنا بشجعا في المباريات الما مع إيطاليا

وتااااااااااااااااااااني أنا بكره ألمانيا

شوفوا رد الراجل دا { هيثم } اسبانيا بنشجعها معاك ,, يعني معاي في اشبانيا وجا نكرني ,, سواها حقتو براهو ,,,, وشوفوا الراجل { هيثم } بعضمة لسانو قال بشجع فريقين ,,, وانكر علينا ذلك ,, وعمل لي قيها هلال مريخ .... نحن ما بنتكلم ساكت ,, مستندات ,, مستندات ,, طبعا لزوم المحكمه يا جاهوري ,, وجاييك تحت,,, لكم الود.

مدثر الجاهوري كتب:هولندا ده الفريق الوحيد الما ذكروهوا ناس المسطبة ده وهذا دليل على عدم حرفنتهم في المشاهدة وعيونهم بتشوف طشاش طشاش .. أمس الهولندين قدموا درس للطليان لن ينسوهوا طوال حياتهم ولقد أبدع المدرب فان باستين بالتشكيلة المثالية وأولادنا نستروي وشنادر ما قصروا ضربوا الطليان ضرب مبرح .. نحن هولنديين ومن كأس العالم بنشجعهم هم والأرجنتين .. خارج النص يأخوانا (كاكا) وين أمس ما لعب هاهاها ده للأذكياء فقط

مهداه لاخونا الجاهوري ,,, يعني يا الجاهوري بتشجع هولندا ,,, ومعاهم اسبانيا ,,, كويس عرفنا حاجه,,, لكم الود,

الاخوان بالمسطبه الشعبيه ,,, لقد نجح الجاهوري في أـكل رأسكم ,,, وكان الاولي ان تنصب اللعنات والنقد علي رأس الجاهوري ,, ولكن نجح كمحامي في اكل رأس الجميع ,,, والأدله علي ان الجاهوري كان بيشجع هولندا اساسا ,, واسبانيا بعد ان تفوقت كثيره ,,, لكن انا ما فاضي ليهو ,,, وبرضو بنشجع المانيا واسبانيا ,وزافي احسن لاعب في البطوله يا ناس غوتي وقريعتي راحت,, لكم الود

بكل تقدير واحترام وأصالة عن نفسي ونيابة عن موكلي هيثم الشفيع أتقدم بالمرافعة التالية :
أولاً : يأخ ميرغني نحن أهل الكلام وأنت أبو السماعة يعني تسمع كلامنا وبس وتكشف علينا وتدينا الروشتة في صمت إذا مرضنا .
ثانياً : مرافعتك مردودة عليك يأخي لمن الفرق كانت 16 فريق أي واحد إختار فريق أو فريقين بالكتير يشجعوا ومن مجموعات مختلفة .. لكن بعد الفريقين وصلوا النهائي قلنا أي واحد بشجع منوا .. أنا وهيثم قلنا بنشجع أسبانيا ولا عايزنا نسكت ساكت نخلي التشجيع بعد ما هولندا والبرتغال طاروا .
ثالثاً : أنت بعد ما ألمانيا وصلت النهائي أتخيلت بتحليلاتك بأنه الكأس لهولندا وعملت لينا مولود في برلين .. أنا بشجع في ألمانيا من عام 1982م وأنا ,انا ..قلنا ليك شجع ألمانيا .
رابعاً : لمن ضربنا ألمانيا وشلنا الكاس عملت أنت أبو الأسبان ..
يأخي أعترف بالهزيمة والكورة نصر وهزيمة يوم لك ويوم عليك .. بسألك هل يعقل أن يشجع الواحد الهلال والمريخ مع بعض .. وريال والبرسا والانتر وميلان والهلال والنصر وهلمجرا

*إضافة صغييييييييرة {نحن ماقلنا ماتشجع فريقين بشكل مطلق،،قلنا ما تشجعم في نفس المباراة....واضح؟؟؟؟؟}

وهتف الجميع يحيا العدل

يحيا العدل

يحيا

يحيا

وبسبب توقف الدوريات في كل العالم

غادر جميع سكان المسطبة الشعبية إلى منازلهم وخلوني عشان أقفل باب الإستاد وراي

أقفلو؟؟؟؟؟؟

من طرف مدثر الجاهوري الإثنين يوليو 07, 2008 7:36 am

الأخ هيثم ما تقفل المسطبة أمس الهلال الكبير لعب مع الأفريقي التونسي ودياً وأنتهت المباراة بفوز الأفريقي التونسي 2/1 أحرز هدف الهلال كلتشي .. الأفريقي التونسي غلب المريخ 3/صفر وده الفرق بين الهلال والمريخ .. خلي المسطبة مفتوحة دوري المجموعات قرب ..

هي يقفلوها كيف مع جنس الورم دة؟؟؟

يعني هسة كان المريخ لعب مع حمامات الجرادل بتاع الهلال داك وغلبو 8/0 يبقى المريخ أحسن من الهلال؟؟؟؟

هيثم على الشفيع كتب:هي يقفلوها كيف مع جنس الورم دة؟؟؟

يعني هسة كان المريخ لعب مع حمامات الجرادل بتاع الهلال داك وغلبو 8/0 يبقى المريخ أحسن من الهلال؟؟؟؟

الفريق الفاز عليهوا الهلال أسمو مستقبل المرسي الريالي وليس حمامات الجرادل كما يدعي منظر المريخ مزمل أبو الفاهم .. والمريخ ما بقدر أفوز على فريق مكون من 11 لاعب بنتيجة 6/صفر ناهيك عن 8/صفر ولمن تفوزوا 8/صفر قابلني

إنت نسيت المباراة الأولى بتاعت ال7/0؟؟؟؟

ولا عامل لي فيها رايح؟؟؟!؟؟

لو نسيت ما مشكلة نذكرك ..الهلال فاز في أولى مبارياته التجريبية على فريق لي الليلة مافي زول عارف إسمو 7/0

بعدين مستقبل المرسى(الكلب وماشي الدرب بعرفوه) ما فيهو كلمة ريالي بتاعتك دي اللهم إلا نسبة لريال مدريد

مدثر الجاهوري كتب:أنتهت المباراة بفوز الأفريقي التونسي 2/1 أحرز هدف الهلال كلتشي ..
الأفريقي التونسي غلب المريخ 3/صفر وده الفرق بين الهلال والمريخ.

أها ياسعادتك :

الهلال امبارح اتغلب 4 والمريخ ما لعب ذاتو ، في الحالة دي الفرق بين الهلال والمريخ لصالح منو؟؟!!؟؟

بعدين قون الهلال القلت جابو كلتشي دة.....جايبو سيف مساوي (تشجيع وعرفناكم ماتعرفو تشجعو ،،خبر ساااااااااكت تقروهو غلط وتتموهو من راسكم!!!؟؟؟)

من طرف ياسر الخميس يوليو 10, 2008 9:24 pm

لصالح الهلال طبعا لان الهلال لعب واتغلب اما المريخ خايف يلعب ويتغلب

من طرف مدثر الجاهوري الإثنين يوليو 14, 2008 8:21 am

الأخ هيثم والأخوة المريخاب مبروك التعادل مع خريبكة المغربي طبعاً ده أبو الحمام الميت بختكم .. وكفارة استادكم قالوا لحق سودانير بالضحايا ده كلوا من أموال الحرام ويذهب الحرام من حيث أتي ..... ربنا يرحم ضحايا المريخ

مدثر الجاهوري كتب: خريبكة المغربي طبعاً ده أبو الحمام الميت

.. وكفارة استادكم ........

ده كلوا من أموال الحرام ويذهب الحرام من حيث أتى

إنت دحين الحمام دة ذاااااااااااااااااتو قبل كدة ما لاقى هلالك دة!!؟؟؟ متذكر نتايج المباراتين ولا نذكرك؟؟؟؟

قلت لي حرام!!؟؟؟ هو شنو هو الحرام؟؟؟؟الإستاد ما جاتو الحبة

ديل ناس "إتدافسو" في الباب فلحقو أمي ...علاقة الحرام بالموضوع دة شنو؟؟؟؟؟

ياخ حاول مرة تشيل (عين السخط) البتعاين بيها لي حاجات المريخ دي

صدقني بجيك ضغط ولا جلطة {طبعاً لأن نجاحات المريخ لا نهاية لها}

مبروك تعادل المريخ مع خريبكه ونتمني نتيجه مشرفه للهلال امام انيمبا ,,, وبالله يا جماعه وصيتكم ,, المنتدي دا ما يقيف لمن اجيكم راجع ,, وابقوا عشره علي المسطبه,, لكم الود.

من طرف مدثر الجاهوري السبت يوليو 19, 2008 9:32 am

ميرغني ابراهيم عمر كتب:مبروك تعادل المريخ مع خريبكه ونتمني نتيجه مشرفه للهلال امام انيمبا ,,, وبالله يا جماعه وصيتكم ,, المنتدي دا ما يقيف لمن اجيكم راجع ,, وابقوا عشره علي المسطبه,, لكم الود.

الأخ ميرغني أولاً التهنئة بفوز الهلال على فريق أنيمبا النيجيري وطبعاً ده فريق قوي مش حمام ميت والهلال الأقوي فاز على الفريق القوي ..
2ـ أفياني الحفياني الحقني وينجدني وبركاتوا أمس ظهرت (يا هيثم أفياني جاكم)
3ـ الهلال السنة ده عندوا رأي كبير في البطولة وإني لأراها قريبة والله ينجينا من أوكامبوا يخلينا نشيل الكأس وبعد داك الزارعة الله في طمبرة بتقوم
4ـ المسطبة في عيوننا إلى أن تعود لكن كل مرة هبش وأدخل
5ـ مبروك للهلال الفوز العريض وفوق فوق هلالنا فوق
6، طبعاً أنا ما بمشي السودان إلا يوم المباراة النهائية وأشيل ليك الكأس مع الجعلي صلاح إدريس

اليوم الهلال والموردة .. طبعاً حا نفوز على القراقير ... والموردة ليست الأمل عطبرة بختكم يا هيثم الحمام تمام ... يأخوانا أنا برأي بقيت في المنتدي والله لو ميرغني سلمني مفاتيح الإدارة كان غيرت حاجات كتيرة وعدلت وبدلت لكن بشوف لي واحد شيطان وحرامي يفتح لي أبواب الإدارة بدون مفاتيح واستلم المنتدي ...

صوره من الارشيف للاعب المريخ العجب سيدو

[img]

[/img]

تزامن رجوعنا للمنتدي مع تعادل الهلال مع مازيمبي الكنغولي ,, وسودانا فووووووق

حقق الهلال تعادلا بطعم الفوز في مباراته امس امام مضيفه مازيمبي الكنغولي ضمن الجولة الثانية في ربع نهائي بطولة الاندية الافريقية الابطال (المجموعة الثانية) وحافظ علي صدارته للمجموعة مرتفعا برصيده الي 4 نقاط بينما رفع مازيمبي رصيده الي نقطة واحدة قبل مباراة اليوم بين اينمبا النيجيري والقطن الكاميروني في الجولة الثانية لفرق المجموعة الثانية ايضا·

ولعب الهلال مباراة قوية امام مازيمبي امس تابعتها جماهير غفيرة احتشدت بالاستاد منذ وقت مبكر وظلت تشجع فريقها من البداية حتي النهاية ثم تحولت لتؤازر الهلال وتهنئ نجومه عقب المباراة بعد ان اقنعها بقوة الاداء طوال زمن المباراة·
وضاعت من الهلال العديد من الفرص للتسجيل وكان بامكانه ان يخطف هدفا يكسب به نقاط المباراة كاملة خاصة في الفرص التي وجدها احمد عادل امام المرمي·
وقد تلقت بعثة الهلال التهاني عقب المباراة وتحدث لقوون الدكتور علي قاقارين المرافق للبعثة وقائد الفريق هيثم مصطفي ونجم المباراة سيف مساوي·
حقق الهلال تعادلا بطعم الفوز في مباراته امس امام مضيفه مازيمبي الكنغولي ضمن الجولة الثانية في ربع نهائي بطولة الاندية الافريقية الابطال (المجموعة الثانية) وحافظ علي صدارته للمجموعة مرتفعا برصيده الي 4 نقاط بينما رفع مازيمبي رصيده الي نقطة واحدة قبل مباراة اليوم بين اينمبا النيجيري والقطن الكاميروني في الجولة الثانية لفرق المجموعة الثانية ايضا·

ولعب الهلال مباراة قوية امام مازيمبي امس تابعتها جماهير غفيرة احتشدت بالاستاد منذ وقت مبكر وظلت تشجع فريقها من البداية حتي النهاية ثم تحولت لتؤازر الهلال وتهنئ نجومه عقب المباراة بعد ان اقنعها بقوة الاداء طوال زمن المباراة·
وضاعت من الهلال العديد من الفرص للتسجيل وكان بامكانه ان يخطف هدفا يكسب به نقاط المباراة كاملة خاصة في الفرص التي وجدها احمد عادل امام المرمي·
وقد تلقت بعثة الهلال التهاني عقب المباراة وتحدث لقوون الدكتور علي قاقارين المرافق للبعثة وقائد الفريق هيثم مصطفي ونجم المباراة سيف مساوي·

مسطبة شعبية - صفحة 6 1217788097

يا ناس وين انتو؟ الجاهوري تعادل الهلال ما جابو ,, وهيثم صعود المريخ لي دوري الاربعه ما جابو الحاصل شنو؟

نهنئي الاخوة المريخاب بفوزهم المستحق علي فريق الهلال,, ويا الجاهوري جاتك تاره

كنا مافيشين والمريخ يجندل الهلال المهلهل بهدف"كوم الرزق" طمبل ، وما لقينا عضة في الجاهوري
وامبارح بعد جهزت نفسي للشماتة على الإنتر والريال خذلوني روماوفالنسيا....والليلة من الصباح الجاهوري قبل يشرب الشاي رسل لي فرحاااااااااااااان بفوز الريالة على عاشر الدوري

من طرف مدثر الجاهوري الإثنين أغسطس 25, 2008 6:40 pm

هيثم على الشفيع كتب:كنا مافيشين والمريخ يجندل الهلال المهلهل بهدف"كوم الرزق" طمبل ، وما لقينا عضة في الجاهوري
وامبارح بعد جهزت نفسي للشماتة على الإنتر والريال خذلوني روماوفالنسيا....والليلة من الصباح الجاهوري قبل يشرب الشاي رسل لي فرحاااااااااااااان بفوز الريالة على عاشر الدوري

يأخوي كورة الهلال والمريخ مر عليها أكثر من أسبوعين وانتهت مدة التعليق بالتقادم .. بالنسبة لريال الأخبار الجاتنا من أسبانيا قالوا بشتن فالنسيا ومقبل على البرسا .. والسنة ده فرقنا نار شرق والجماعة لمن فالنسيا احرزت الهدف الأول بدوا في الشماتة لكن الكورة 90 دقيقة .. بعدين فالنسيا بتين بتقيف مع الريال معروف بتقيف مع البرسا والله يكون في عونكم .... دكتور ميرغني أخباروا شنوا

[quote="مدثر الجاهوري" وما لقينا عضة في الجاهوري

دكتور ميرغني أخباروا شنوا [/quote]

ياخوي نحن هلال/مريخ نسيناها وقلنا مالقينا عضة فيك ...لكن وحاتك هلالك السنةدي حيشمتنا فيك كترة شماتة(قال ترونه بعيداً ونراه قريباً قال)

دكتورمرغني وحاتك قافل القزاز أداني تلفونو هنا ، وبضرب ليو مابرد وتاني لقيتو مقفول غايتو آخر مرة كان في الحصاحيصا لكن جا ولا لأ ...ماعارفو

نحن جينا يا جماعه ,,,, وهاردلك للمريخ امام النجم الساحلي 2/1 الله يستر من علقة الهلال بكره ,,, انا اري مشكلة الكرة السودانية تتلخص في ,,, شداد وشلته { لا يستحقون ذكر اسمائهم} صلاح ادريس ,,, مازدا ,, هيثم مصطفي ,, العجب ,,, والصحف الرياضيه,,, وفي بقية لكن دي اهم الاسماء ,,, ويلا قولوا رأيكم مادام اصلو برشلونه والهلال السنه دي ما طالعين ليهم قوزاً اخدر,,, الجاهوري جايي ضروري ,,,, لكم الود.

نسيت أهم سببين لتخلف الكورة السودانية:
مدثر الجاهوري
أبوبكر الزبيدي

من طرف مدثر الجاهوري الأحد سبتمبر 14, 2008 9:16 pm

هيثم على الشفيع كتب:نسيت أهم سببين لتخلف الكورة السودانية:
مدثر الجاهوري
أبوبكر الزبيدي

اللهم إني صايم بكرة برد عليك حسب الظروف (إني أراها قريبة وترونها بعيدة .. وبركة سيدي الأبو قرونات البشرب الشاي زي الشربات وما بلبس الشرابات يتأهل الهلال خاصة الكنغوليين ما قصروا معانا) ...

بركة الجيييييييييييييييييييييييت

ومن شوفتك طولنا

قلت لي (حسب الظروف)؟؟؟

ياكا المارديت

نشوفك يوم مباراة المريخ والنجم،،،،ما أظن تظهر قبلها

يالجاهورى انت جمال الوالى ماقال ح ينسحب من الدورى الممتاز مالو ما انسحب؟

ينسحب من دورى هو متصدرو؟؟؟مالكم كيف تحكمون؟؟؟وبالمناسبة يا الرشيد جمال الوالى ليس هو المريخ ..فالمريخ(فى البدء كان وفى الختام يظل)..ثانيأ وين الناس اللى طاروا من الكنقولى اللابس لبسة كنقولية.يا لهلال الملايين الذى -دائمأ-ما يفضح الملايين ويشمّت فينا الأعداء-لاسيما المصريين-..باى باى هلللويا-أقصدالهلال-ربما نراكم فى هذه المنافسة بعد عامين..ربما لأن الجاية مؤكد لمريخ الكاسات المحمولة جوأ (وبرأ وبحرأ)

مبروك لمريخ السودان ,,, وعلي فكره في هذه الفتره المريخ مؤهل لكاس الفيدراليه وبجداره ,, واما هلالنا فحدث ولا حرج ,,, والحمد لله المرقنا هسه ,, والا كنا لاقينا المصريين وفشوا فينا الاربعه بتاعة السودان,,,, اما موضوع انو جمال الوالي ما المريخ ,, فعايزه ليها وقفه ,, لعلمك وللاسف الان الهلال صلاح ادريس ,, والمريخ جمال الوالي ,, والاتحاد شداد ,, شئنا ام ابينا ,,والفريق القومي مازدا,,, لكم الود.

الاخ الجاهوري ,, اشتكي الينا تلفونيا ,من ضياع احدي مشاركاته,, الاخيره ,, والمتهم الاول هيثم الشفيع,, وللحق هيثم الشفيع ليست لديه هذه الامكانيه ,, لانو المشرف ابو بكر الزبيدي والمدير العام فقط من لهم هذه المقدرة في منتدي الرياضه ,,,, والمديده حرقتني,,, لكم الود.

من طرف مدثر الجاهوري الأحد أكتوبر 05, 2008 1:12 pm

اليوم المريخ وشبيبة القبائل إذا خسر المريخ ودع البطولة وليس أمامه سوي النصر أو التعادل أمنياتنا بالفوز للمريخ (أولاد الشفيع سامعيني) انتظرونا بليل عشان نبارك ليكم وكل عام والجميع بخير

خروج مذل للمريخ من الكنفدرالية بعد هزيمته القاسية من الشبيبة الحبيبة 3/1 .. أولاد الشفيع والله العظيم وكتابه الكريم أنا بشجع الشبيبة منذ نعومة أظافري والشبيبة ما خيبت ظني (الشبيبة العجيبة) ولا يهمكم طالما الهلال لم يتأهل مستحيل أن يتأهل المريخ .. لكن نحن أحسن منكم كان عندنا الأمل حتى المباراة الأخيرة لكن أنتوا خرجتوا قبل ما تلعبوا المباراة الأخيرة .. أقول ليكم أفتحوا للأشانتي يغلبكم كتير عشان إمكن يتأهل .. وتيت تيت الشبيبة حديد

مدثر الجاهوري كتب:خروج مذل للمريخ من الكنفدرالية

والله يالجاهوري لي زمن طويل ما خشيت المنتدى جيت الليلة لقيتك زي ماانت أبداً مابتتغير
ومن حسن حظك أو هو في الحق أمر مدبر كنت زايغ طوال أيام مرمطة الهلال..........وتقول لي (مذل) الغريبة الهلال اتغلب 4 وجا طيش مجموعتو وخروجو ما كان مذل....سبحاااااان الله
الجاهوري....الجاهوري...الجريف كيف؟؟؟؟

هيثم على الشفيع كتب:
مدثر الجاهوري كتب:خروج مذل للمريخ من الكنفدرالية

والله يالجاهوري لي زمن طويل ما خشيت المنتدى جيت الليلة لقيتك زي ماانت أبداً مابتتغير
ومن حسن حظك أو هو في الحق أمر مدبر كنت زايغ طوال أيام مرمطة الهلال..........وتقول لي (مذل) الغريبة الهلال اتغلب 4 وجا طيش مجموعتو وخروجو ما كان مذل....سبحاااااان الله
الجاهوري....الجاهوري...الجريف كيف؟؟؟؟

الأخ هيثم الشفيع والله مشتاقين شوق مطر وكل عام وأنتم بخير يأخوي المريخاب اعتقدوا أنهم مافي زول بغلبهم لكن أمس كانت مذلة قول لي ليه لانوا طلعتوا قبل ما تلعبوا مباراتكم الأخيرة ونحن رغم هزيمتنا من أنيمبا 4/1 كنا مأملين يعني ما طلعنا بعدين كان في مطر وكجور والصيام كانت أسباب هزيمتنا أنتوا مالكم فاطرين ومتغدين ولاعبين في جو جميل تتغلبوا ثلاثة وفي عشرة دقائق اللهم لا شماتة ... تحياتي للجميع

مااااااااا محامي

بتلقى ليهم بدل العذر الف

لكن ما قلت لي ....الجريف كيف؟؟؟
الصف التاني؟؟؟؟؟؟

الصف التاني إبتدائي؟؟؟!!!؟؟ ولا لعبو بفنايل نيل الحصاحيصا؟؟؟؟؟؟؟

هيثم على الشفيع كتب:مااااااااا محامي

بتلقى ليهم بدل العذر الف

لكن ما قلت لي ....الجريف كيف؟؟؟
الصف التاني؟؟؟؟؟؟

الصف التاني إبتدائي؟؟؟!!!؟؟ ولا لعبو بفنايل نيل الحصاحيصا؟؟؟؟؟؟؟

الجريف ديل فرحانين ساكت نحن لعبنا بالصف التاني وضيعنا مية قون والديبة مدرب حريف عايز يجهز بدائل وده دورة تنشيطية لا بتودي ولا بتجيب لكن الشبيبة ده لعابة وضربتكم ضرب من لا يرحم والرابع ضيعوا مهاجمهم الحيوان .. لكن هاردلك السنة الجاية قلنا ليكم بتعرفوا للحمام الميت

ياخوي خلينا من الدافوري دة

رونالدينو كيف؟؟؟؟؟؟

ريالتك أقصد ريالك رجع لمكانو الطبيعي في الدوري

سفت الستات دي كيف؟؟؟؟؟

هيثم على الشفيع كتب:ياخوي خلينا من الدافوري دة

رونالدينو كيف؟؟؟؟؟؟

ريالتك أقصد ريالك رجع لمكانو الطبيعي في الدوري

سفت الستات دي كيف؟؟؟؟؟

السنة ده ريال والأنتر الله يستر منهم أمس تعادل بي كرامة البليلة وبي شيخي راؤول العجوز .. غايتوا الستات ده ما تفرحكم الغريق لقدام

هيثم على الشفيع كتب:ياخوي خلينا من الدافوري دة

يالجاهورى صاحبك ده مالو زاغ !!!!!
عموما نحن راجينو فى الممتاز!!!!!!

هارد لك فريق المريخ الذي كنت ارشحه صراحة للكأس لانه فريق منظم في هذا الموسم ,,, ولكن نبقي مع نقص القادرين علي التمام وعقدة نص الكلتش,,,,ولكم الود.

ذكرت صحيفة (الهداف) الجزائرية فى موقعها الرسمى على الانترنت أن مندوبا من رئيس نادى المريخ السودانى قد قدم عرضا لمسؤولى النادى الجزائرى لشراء نقاط المباراة مقابل 40 ألف دولار، وبرر المندوب عرضه هذا بإعتبار أن فريق الشبيبة لن يتمكن من الفوز على فريق النجم الرياضى الساحلى فى سوسة بتونس وبالتالى فإن الفرصة مواتية لفريق المريخ للتأهل لنهائى البطولة اذا ما تمكن من حصد نقاط لقائه مع الشبيبة.

وعلى صعيد متصل تحدث رئيس نادى شبيبة القبائل الجزائرى السيد حناشى بعد المباراة للهداف قائلا: ليس لدى المام كبير بهذا الموضوع ولكن بغض النظر عن ما اثير حول هذا الموضوع فإننى لو منحونى كل دارفور وكل ذهب الارض فلن ابيع شرف الجزائر، واضاف: فريق شبيبة القبائل يمثل الجزائر فى كل المحافل الرياضية الدولية وديدن الفريق منذ تأسيسه هو تشريف الكرة الجزائرية فى القارة الافريقية ولن يأتى اليوم الذى يخون فيه ارضه وجماهيره. وتفيد متابعات (الكابتن) أن مجلس ادارة نادي المريخ سيصدر بياناً عاصفاً رداً على افتراءات واتهامات الصحافة الجزائرية وسيقوم بمقاضاة الصحيفة على الاساءات البالغة التي وجهتها للمريخ.
وكان رئيس المريخ قد نفي الاتهامات الجزائرية عبر تصريحات للاذاعة ووصف ذلك بالاسفاف الذي لا يتسق مع اخلاقيات المريخ

ده كلام ده الناس بقوا ارشوا الناس في بلدهم (الشبيبة يا حبيبة .. الشبيبة يا عجيبة)

إنت ما كان في خبر زي دة بعد رباعية الهلال مع إنيمبا......ما سمعت بيو؟؟؟
ولا.........
{عين الرضا عن كل عيب كليلة..........و....تبدي لك المساوئا}؟؟؟؟
بعدين ياسعادة الأفوكاتو بغض النظر عن أن الشبيبةكانت تملك نفس فرص المريخ في التأهل ناس موعودة بحوافز 200 ألف دولار يرشوها بي 40ألف ....دي بتدخل راس منو؟؟؟؟؟؟؟

لسه ما فضيت ليكم ,,, شويه كمان,,, لكم الود.

نعلم أن الكرة السودانية تعبااانة..وراضييين بيها بحكم مقولتنا السودانية(برانا بنعرف مستوانا)..لكن كان الموضوع دخل فى الأخلاق يبقى الرماد كال حماد..امل ان تكون الروايتان كاذبتان..مايخص الهلال مع انييمبا وما مس المريخ مع الشبيبة..وأتفق مع هيثم فى أن رجل القانون هو اخر من يأخد القول عل عواهنه..وبعدين ياحبيبى الجاهورى.يقول التأريخ أن هنالك ثلاث وقائع لا أخلاقية موثقة ضد الهلال..1-رشوة أحد الحكام ليتغاضى عن تسجيل كرت على كندورة حتى لا يوقف فى المباراة التاليةفى احدى البطولات الإفريقية..
2-قصة صلاح بمبان الشهيرة وفبركة كرت لأحد لاعبى أهلى مدنى ثم الشكوى واعطاء نقاط المباراة للهلال المهزوم(فى دورى السودان)
3-مشاركة عاكف عطا فى مباراة ضد المريخ وكان مطرودأ فى المباراة السابقة لها مباشرة وفى نفس البطولة لسوء السلوك(حيث كانت هزيمة الهلال مؤكدة بدون عاكف)..
وياحضرة المحامى : أعتقد انو بيتك من قزاز..
كيف يا هيثم؟ ما عجبتك؟؟

آآآآآآآآآآآآآي دة الشغل ..دة الشغل

قزاز شنو آخوي؟؟!!؟؟ ديل بيتم أوهى من بيت العنكبوت

{بس تصحيح بسيييييط : الكرت أخدو الثعلب بالرقم 2 فدفعو للحكم عشان يعملا 12 "رقم كندورة" ..وفي سنة هذه الحادثة وصل الهلال لنهائي أفريقيا-القلعو بيو اضانا بدون ما يهبشوهو دة-}